‘Shqipëria mund ta parakalojë Serbinë në rrugën drejt anëtarësimit në BE’ kështu shkruan gazeta e njohur britanike “Financial Times”. Në një editorial kushtuar zgjerimit të BE-së, kjo gazetë shkruan se ”unioni nuk duhet të zmbrapset pasi, në të kundërt, Rusia dhe Turqia do të mbushin këtë boshllëk”.
Gazeta vazhdon më tej duke thënë presideneti i KE-së u ka premtuar 6 vendeve të Ballkanit Perëndimor një perspektivë të besueshme për anëtarësimin në BE.
“Pas një pauze të gjatë, BE ka dëshirë të flasë sërish për zgjerimin e kufijve të saj. Vitin e kaluar, presidenti i KE-së, Jean-Claude Juncker premtoi t’u ofrojë gjashtë vendeve të Ballkanit Perëndimor një perspektivë të besueshme për anëtarësimin në BE. Mbetet në interesin e të gjithëve për të dhënë parashikime realiste për shtetet e Ballkanit, ndërkohë që janë të shumtë ata që dyshojnë në sinqeritetin e BE-së, pas viteve të tëra pritjeje përballë dyerve të mbyllura”, – shkruan gazeta.
Po ashtu, “Financial Times” shkruan premtimi për anëtarësim ka nxitur qeveritë e ballkanit të marrin vendime të vështira, por nga tjetër ndikimi i BE-së po ulet.
“Premtimi i BE-së për anëtarësim ka qenë një nxitje kryesore për qeveritë ballkanike për të marrë vendime të vështira… Por, ka ende shumë rrugë për të bërë dhe ndikimi i BE-së po ulet. Vetëm 26% e serbëve mendojnë tani se anëtarësimi në BE është një gjë e mirë. Sidoqoftë, asnjë nga gjashtë vendet e Ballkanit Perëndimor nuk i ka plotësuar kushtet e anëtarësimit. Dhe, përderisa KE ka shprehur qartë se progresi drejt integrimit do të matet mbi bazën e meritave dhe, teorikisht çdo shtet mund të parakalojë kryesuesit aktualë në garë (Mali i Zi dhe Serbia), atëherë ajo merr në konsideratë përpjekjet e bëra kohët e fundit, për shembull, nga vende si Shqipëria, çka u përgjigjet dyshimeve për favorizim, në veçanti, të Serbisë”, – thekson “Financial Times”.
Ndonëse besoj se sot ka një rënie të interesit të shqiptarëve që Shqipëria të jetë një vend antar i BE, nuk besoj se ky interes të ketë rënë 26% si në Serbi.
Nuk besoj se BE ka bindjen se Serbia sa i takon normave të demokracisë, është më pranë BE se Shqipëria, por nëse BE ka krijuar bindjen se sëpari do të fusë Serbinë në gjirin e saj, këtë e bën sepse Serbia hapur po flirton me Rusinë.
Më habit qëndrimi tepër oportunist i BE me kryeministrin shqiptar Edi Rama, por për cfardo arsye që ta bëjë këtë, menoj se qoftë edhe me Edi Ramën kryeministër, pranimi i Shqipërisë sa më shpejtë në BE, do të ndikojë në pastrimin e politikës shqiptare të kriminalizuar nga e ashtuquajtura “rilindje”