Edicioni i 68-të i Festivalit të Filmit të Berlinit ka qenë në qendër të shkrimeve mediatike, për shkak të puthjes së dy aktoreve në tapetin e kuq.
Bëhet fjalë për Valeria Golino dhe Alba Rohrwacher, aktoret e filmit italian, “Figlia mia”, filmi i dytë nga regjisorja Laura Bispuri, të cilat kanë shkëmbyer një puthje në buzë.
Filmi “Figlia mia”, ka në qendër të tij feminitetin e papërsosur, personazhet e forta femërore, por që nuk kanë frikë nga kompleksiteti i tyre.
Ndoshta kjo ishte edhe arsyeja përse dy aktoret protagonist zgjodhën pikërisht puthjen në buzë, si një mënyrë për të treguar se askush nuk duhet të kompleksohet nga qënia e tij.
Regjizorja e filmit, Bispuri, shprehet: “Filmi im për femrat është një akt i vogël politik. Jam lodhur duke parë filma me gra të cilat rrinë në shtëpi gjithë kohën duke pritur bashkëshortët, duhej një gjë ndryshe”.