Rusia paralajmëroi një përgjigje të fortë për më shumë se 20 vende që përjashtuan diplomatët pas helmimit të ish agjentit të KGB-së në Britaninë e Madhe. Sergej Lavrov akuzoi Shtetet e Bashkuara se ka shantazhuar vendet e tjera që të përjashtojnë më shumë se 100 diplomatë dhe agjentë të dyshuar. Ky është numri më i madh i diplomatëve të dëbuar në histori.
Në fillim të muajit, ishte Britania e Madhe që njoftoi se do të përjashtojë 23 diplomatë, ndërsa vendet e tjera e morën këtë hap ditën e hënë.
SHBA: 60 diplomatë
Vendet e BE: Franca (4); Gjermania (4); Polonia (4); Republika çeke (3); Lituania (3); Danimarka (2); Hollanda (2); Italia (2); Spanja (2); Estonia (1); Kroacia (1); Finlanda (1); Hungaria (1); Letonia (1); Rumania (1); Suedia (1)
Ukraina: 13
Kanadaja: 4, plus refuzimin e 3 aplikimeve nga Rusia
Shqipëria: 2
Australia: 2
Norvegjia: 1
Maqedonia: 1
Por kush janë vendet që nuk do të përjashtojnë diplomatët rusë?
Janë disa vende të Bashkimit Europian që nuk kanë asnjë qëllim të përjashtojnë diplomatët rusë. është Austria, Greqia dhe Portugalia, që megjithëse kanë mbështetur Britaninë e Madhe dhe kanë dënuar helmimin e Skripal.
Interesant ishte qëndrimi i Zelandës së re. Kryeministrja e këtij vendi tha se do t’i kishte dëbuar oficerët e inteligjencës ruse, por nuk kishte gjetur asnjë.
Përse po e bëjnë?
Australia iu bashkua qëndrimit të Shteteve të Bashkuara të Amerikës dhe Bashkimit Europian me njoftimin se kishte dëbuar dy diplomatë me dyshimin se ishin “oficerë të padeklaruar të inteligjencës”.
Kryeministri australian Tërnball foli për ndërhyrje në zgjedhje dhe për për kërcënim të sovranitetit të partnerëve duke arsyetuar dëbimin e rusëve,. Sipas tij, “sulmi në Salisbëri ishte një sulm për të gjithë ne”.
Presidenti i Këshillit Europian, Donald Tusk tha se vendet e Bashkimit Europian vendosën të përjashtojnë diplomatët rusë pas një mbledhjeje të javës së kaluar për helmimin në Salisbëri.
“Masa të tjera, përfshirë dëbime të tjera nuk përjashtohen në ditët e ardhshme” tha ai. Këto masa po krijojnë krizën më të rëndë diplomatike mes Rusisë dhe Perëndimit, që kur Moska aneksoi Krimenë.
Aleatët kanë pranuar të gjithë të dalin përkrah Britanisë së Madhe dhe kjo për momentin po interpretohet si një fitore e diplomacisë së Tereza May, pavarësisht marrëdhënies së komplikuar me Bashkimin Europian pas Brexit.