Lulzim Basha vuri në njërën anë taksën e qarkullimit dhe në anën tjetër tarifën e konçensionit që vuri qeveria në Rrugën e Kombit për të treguar se kjo e dyta nuk mund të qëndrojë.
Basha citoi vetë Ramën që në fjalën e tij tha se mirëmbajtjen për Rrugën e Kombit ose do ta paguajnë taksapaguesit, ose do ta paguajnë përdoruesit dhe në Shqipëri sot ndodh e kundërta, po paguajnë të dy.
“Një njeri, i cili nuk mban përgjegjësi për asgjë thotë dhe bën. Në 5 vite në pushtet Rama ka rritur dy herë taksën e qarkullimit .1oo lekë në 2013 dhe 100 në janarin e 2015, duke shtuar këtu dhe TVSH, është 240 lekë për litër, merr çdo sekondë, çdo orë merr Rama nga xhepat e qytetarëve.
Taksa e qarkullimit erret me qëllimin kryesor për mirëmbajtjen e rrugës, që mund të paguajnë
Na thuaj pak o llapaqen i batutave, pse paguajnë të gjithë dhe pse vazhdon tu marrësh shqiptarëve 240 lekë tarifë për karburant.
Sapo e the vet o njëra o tjetra, por ti vazhdon ngërdheshjesh se të kanë gënjyer. Nëse e ke kuptuar do ti kërcisje ndonjë shpullë atij mësuesit të anglishtes.
Unë jam krenar për atë rrugë. Ke pesë vjet që je në qeveri nuk ke nxjerr një fakt të vetëm për shpifjen dhe baltën që vjell për rrugën e Kombit. Të bëjnë sytë xixa nga xhelozia. Ju jeni prania e këllirës, ne jemi partia e profesorëve dhe doktorëve. Ju jeni partia e trafikantëve. Ti i flet për estetikë PD-së që e ke shndërruar partinë tënde në bodrum të krimit të organizuar.
Kjo është vjedhja që bëhet me rrugën e kombit. Paratë për mirëmbajtjen e rrugës së kombit vilen ditë për ditë me karburantin që ju blini. Mundësitë e buxhetit të Ramës janë 120 milionë USD më shumë në vit sesa në buxhetin tonë sepse ky e rriti taksën. Lekët që iu merr për mirëmbajtje i përdor për klientët e tij, i përdor për bandën e hajdutëve.
Nëse po mendon pasaportizimin si në kohën e diktaturës të them bëj gati allcinë për veten tënde. Pasaportizimin nuk e kthen dot më ti këtu. I vendos ti 120 mijë euro për pushtetin vendor. Po pse ti do e përcaktosh se sa kuksianë e mirditorë do hyjnë. Ndaje mendjen Edi Rama, të paguajnë o taksapaguesit o përdoruesit por jo të dy, ndryshe do të përballesh me reagimin më të madh popullor” u shpreh kreu i PD-së.
Basha tha se paratë që paguajnë shqiptarët në taksa nuk shkojnë për mirëmbajtjen e rrugës, as për shlyerjen e borxhit, as për shkolla dhe spitale, por për konçensione korruptive për klientët e qeverisë.
“Kjo është arsyeja që pse shqiptarët paguajnë karburantin më të shtrenjtë në rajon dhe ndër më të shtrenjtët në Europë” u shpreh Basha.