Ajo gjithmonë do të gjejë një formë për të tërhequr vëmendjen ndërkombëtare për bëmat e saj. Ylli i “Keeping up with the Kardashians” kësaj herë ka vendosur të hedhë në treg një parfum të ri, shishja e të cilit do të ketë formën e trupit të saj.
Kim Kardashian ka shpërndarë këtë lajm me ndjekësit e saj në Instagram ku ka nxjerrë disa foto teksa merrej forma e trupit të saj.
“KKW Body 4.30 nga Vanessa Beecroft”, shkruan 37 vjeçarja në foton e parë topless të postuar në Instagram-in e saj.
Por nuk na bëri çudi kjo pozë e Kim-it, deri në momentin që u pasua nga një tjetër, shumë më ndryshe se e para. Siç mund ta kuptoni, i gjithë trupi i saj është i mbuluar me allçi që përdoret për të formuar kallëpin e formës së trupit.
“Ne realizuam kallëpin e trupit tim dhe e bëmë atë një shishe parfumi”, shkruan ajo në foton që po bën xhiron e rrjetit.
Postime rreth këtij projekti të ri ka bërë edhe KKË Fragrance, kompania që do të realizojë parfumin.