Nga dita më e keqe tek dita më e bukur, Real Madrid prezanton Julien Lopetegui

Real Madrid ka prezantuar Julien Lopetegui si trajnerin e ri. Ish-trajneri i Spanjës me të cilën ishte i pamposhtur, takticieni bask u shkarkua nga detyra nga Federata Spanjolle e Futbollit një ditë përpara nisjes së Botërorit. Ndërsa është prezantuar të enjten mbrëma si trajner i klubit merengues, sigurisht që është ndalur tek episodi i djeshëm.

“Pas vdekjes së nënës time ajo e djeshmja ishte dita më e trishtuar e jetës time”, ka thënë trajneri i ri i “Los Blancos” duke shtuar: “Por sot është dita më e bukur e jetës time. Jam shumë i qetë ashtu si të gjithë të tjerët. Ne kemi vepruar në mënyrë shumë profesionale dhe të ndershme. Nëse disa duan ta kuptojnë ndryshe, janë të lirë ta bëjnë. Por ne jemi treguar të ndershëm dhe të qartë”.

Welcome, Señor Lopetegui pic.twitter.com/hGlSzQv1V7

— Real Madrid Info ³⁵ (@RMadridInfo) June 14, 2018

Presidenti i Real Madrid, Florentino Perez gjithashtu ka folur për shkarkimin e trajnerit spanjoll: “Ne kemi dashur të bëjmë zyrtar emërimin e tij në klubin tonë për hir të transparencës, në mënyrë që të shmangim rrjedhjen e informacionit që mund të shkaktonte paragjykime te përfaqësuesja përpara Kupës së Botës. Shkarkimi i tij nga Rubiales ishte absurd, i ekzagjeruar dhe i nxitur nga krenaria”.

https://twitter.com/Realmadridplace/status/1007317112610852869?ref_src=twsrc%5Etfw&ref_url=http%3A%2F%2Fwww.goal.com%2Ffr%2Fnews%2Fjulen-lopetegui-nouvel-entraineur-a-ete-presente-par-le-real%2Fcm2axou6987714b9kdp44m45t

Ndërkohë numri 1 klubit merengues ka mirëpritur trajnerin e tij të ri: “Ju e keni çuar kombëtaren në Botëror në një mënyrë të shkëlqyer. Mirë se vini në rikthimin tuaj në këtë vend që e njihni shumë mirë”.