• |
ide | kryesore

Mediat serbe zbulojnë inskenimin e Ministrisë së Mbrojtjes për trazira në Kosovë

Lajme, Të fundit

Për të nxitur ndarjen e veriut të Kosovës, qeveria serbe kishte planifikuar trazira në atë zonë, duke porositur krerët e komunave serbe dhe njerëz të besuar të tyre, sesi të kryenin vjedhje, grabitje e sulme ndaj qytetarëve serbë.

Kështu do të krijohej përshtypja te ndërkombëtarët, se shqiptarët po sulmonin serbët brenda Kosovës dhe se ata ishin të pasigurt. Plani i detajuar për prishjen e rendit në veri të Kosovës ka rrjedhur në media dhe është publikuar nga “Gazeta Blic.”, ku dokumenti në faksimile mban stemën e Republikës së Serbisë.

Në dokument, i cili është shkruar me shkrim cilirik, thuhet se: “Duhet të shtoni numrin e aktiviteteve, duhet të bini në kontakt me personat e shpërngulur, të cilët do të kryejnë detyrat dhe do të tërhiqen në Serbinë Qendrore, sikurse edhe tani, duhet të organizoni grabitje, vjedhje dhe sulme ndaj serbëve në mënyrë që tek Organizatat Ndërkombëtare të fitohet përshtypja se serbët janë viktimave të dhunës nga shqiptarët në territorin e krahinës Autonome të Kosovës dhe Metohisë.

Në këtë çështje duhet të aktivizoni bashkëshorten tuaj, si dhe drejtoreshën e Shtëpisë, znj. Dragana Partiç, dhe bashkëshortin e saj, si dhe personelin medicinal të Shtëpisë së Shëndetit, por vetëm ata në të cilët ka besim Dragana Pantiç, gjithnjë do t’ju dalin në ndihmë dhe do t’ju sigurojnë automjete medicinale për transportimin e aktivistëve në Serbinë Qendrore pas kryerjes së aksioneve”, thuhet në dokumentin e Komandës Qendrore, i cili i është dërguar Koordinatorit të Ushtrisë Çlirimtare e Popullit të Kosovës dhe Metohisë, Radomir Repanoviç. Në dokument thuhet se ishte planifikuar edhe furnizimi me armatim të rëndë përmes Manastirit në Deçan.

“Sa i përket armatimit të rëndë, do t’i marrin kur ju me kamion do të kryeni shërbimet në Manastirin e Deçanit, ndërsa ju në Gorazhdecë do t’i pranoni kur Portiç Bogalub, do të qarkullojnë me autobus në autostradë, në relacion për Beograd, ndërsa municionin do ta marrin në depon kryesore në Mitrovicë”, thuhet mes tjerash në këtë dokument.

Aty theksohet në fund se qëllimi i këtij plani është të çlirohet populli serb i Kosovës. Dokumenti është dërguar nga Ministria serbe e Mbrojtjes dhe është nënshkruar në Zubin Potok nga Momir Radenkoviç, zv/komandant i zonës.

4 Comments

    1. Pse te duket rrene kjo>? Nje kanadezi po t’i duket rrene, nuk eshte cudi,se nuk e imagjinon dot, po nje shqiptar ska pse cuditet

      1. qe keshtu funksionon kjo dihet dhe vetem e rreme seshte. e vetmja gje qe nuk shkon eshte ajo pjesa me firme e me vule kto zakonisht behen underground nga sherbimet inteligjente

  1. serbet po provokujn fundin e tyre ,ndergjegja nuk jua pranon ndonse me gjymtyre sherbimin po ja bejne ,tashme portat e ferrit jan gati per tu hapur sepse tek dera ndollen ullheqesit me mizor ne gjith historin njerzore te padrejt te pa meshirshem dhe te pamoralshem ,nuk jan me veprat e tyre as fetar as shkencore dhe as praktik por me veprime te kafsheve te egra ku po keshtu do marrin pergjigje ne te njejten mas

Lini një Përgjigje

Adresa juaj email s’do të bëhet publike.

Kthehu