Në foton më lart është makina që përplasi për vdekje dy këmbësorë në rrugët e fshatit Arapaj, në Roskovec të Fierit. Ata janë Amarildo Dogani dhe Festim Dogani, të dy kushërinj me njëri tjetrin. Mësohet se të dy kanë qenë duke ecur, kur janë përplasur nga mjeti që ecte me shpejtësi. Drejtuesi i mjetit është arrestuar nga policia. Ai nuk ka mundur t’i shohë këmbësorët për shkak të shpejtësisë së lartë dhe sepse në rrugët e fshatit nuk kishte ndriçim.
