Presidenti i Shteteve të Bashkuara të Amerikës, Donald Trump, bëhet protagonist edhe në futboll. Në vizitën e Gianni Infantino, presidenti i Fifa-s, në Shtëpinë e Bardhë, të dy kanë folur në lidhje me Botërorin 2026, që i është besuar në organizim SHBA, Kanadasë e Meksikës. Pas shkëmbimit të dhuratave, me Trump që mori fanellën me numër 26 me emrin e tij, Infantino i ka sugjeruar presidentit amerikan të përdorë kartonat e verdhë e të kuq gjatë konferencës për shtyp. Trump nuk humbi kohë: karton i kuq për gjithë gazetarët e pranishëm!