• |
ide | kryesore

Liga e Kombeve: Dyfishohen shpërblimet, Shqipëria luan për 2.25 milionë euro

Sport

UEFA ka bërë të ditur se do të rrisë kontributet për edicionin aktual të UEFA Nations League që nisi në shtator. Ky modifikim do të sjellë një rritje prej 50% të pagesave të solidaritetit për 55 Federatat që marrin pjesë në kompeticion. Për Shqipërinë dhe Federatën Shqiptare të Futbollit do të ishte një minierë ari: 2,25 milionë euro inkasim mes kontributeve të solidaritetit dhe bonusve për fitimin e grupit, gjithnjë nëse kuqezinjtë arrijnë të fitojnë grupin e tyre C1.

FAZA E GRUPEVE

Faza grupeve – Kontributi             Rritja                      Bëhet
Liga A               €1.5m                     €750,000               €2.25m
Liga B               €1m                         € 500,00               €1.5m
Liga C               € 750,00                € 375,00                €1.125m
Liga D              € 500,00                € 250,00                € 750,00

FITUESIT E GRUPEVE
Edhe fituesit e fazës së grupeve të Ligave A, B, C e D do të kenë benefite; cdo kombëtare që e mbyll në vendin e parë do të marrë një bonus prej 50% të pagesave.

Faza grupeve – kontributi fituesve        Rritja                    Bëhet
Liga A                             €1.5m                   €750,000            €2.25m
Liga B                             €1m                      € 500,00              €1.5m
Liga C                             € 750,00             € 375,00               €1.125m
Liga D                             € 500,00            € 250,00               € 750,00

Maksimumi i kontributeve të solidaritetit e të bonusve shtesë për një skuadër të Ligës A, do të jetë 4,5 milionë euro; 3 milionë euro për një skuadër të Ligës B; 2,25 milionë euro për një të Ligës C e 1,5 milionë euro për një të Ligës D.

Katër skuadrat fituese të grupeve të Ligës A, në fund, do të përballen për fitoren e kupës UEFA Nations League në qershor 2019. Rritja në kontributet e solidaritetit për këto katër skuadra do të ndahen kështu:

Faza finale     Rritja         Bëhet
Fituesit            €4.5m             €1.5m         €6m
Vendi i dytë    €3.5m             €1m            €4.5m
Vendi i tretë   €2.5m             €1m            €3.5m
Vendi i katërt €1.5m             €1m            €2.5m

Kjo do të thotë se kush fiton Nation League merr në total 10,5 milionë euro. Vendimi për të rritur kontributet e solidaritetit e bonusèt u mor nga Komiteti Ekzekutiv UEFA, ndërsa u ndihmua nga të ardhurat e përfituara nga UEFA EURO 2016 që ishin vënë mënjanë për investime të ardhshme.

Lini një Përgjigje

Adresa juaj email s’do të bëhet publike.

Kthehu