Kryeministri Edi Rama komentoi ne emisionin ‘RealPolitx’ ne Report Tv mosdekretimi nga presidenti Ilir Meta të propozimit të tij për të emëruar Gjeneral Sandër Lleshajn ministër të Brendshëm. Rama tha se shpresonte që presidenti Ilir Meta të mos ndikohej në qëndrimet e tij nga trazirat morale dhe psikologjike që po kalon opozita.
“Është një arsye që s’di si ta quaj…uroj që realisht Meta të ketë shqetësimin që ka shprehur dhe të mos jetë viktimë e trazirës morale e psikologjike e opozitës që mund të ketë influencë mbi të, për të patur një rol destruktiv. E kam thënë dhe në parlament, për sa kohë që s’kam argument për këtë, me çështjen është aktiv, s’është aktiv, e zgjidhim”, tha Rama.
Rama tha se Meta ka dy alternativa për të mbërritur te dekretimi i Lleshajt si pasues i Fatmir Xhafajt, ndërsa shtoi se kreu i shtetit do hedhë firmën mbi propozimin e tij, pasi nuk ka arsye konkrete për ta refuzuar sërish.
“Presidentit i është dhënë mundësia të kërkojë tërheqjen e Sandër Lleshajt nga çdo lloj statusi publik. Ose nëse nuk pajtohet me të, do të ushtrojë si president çdo kompetencë për ta çdekretuar Sandër Lleshin dhe për t’a dekretuar sërish. Një ushtarak aktiv, s’mund të ushtrojë detyën e ministrit, por fare mirë tërhiqet nga statusi i tij, në momentin kur vendoset si ministrit. I kemi dhënë mundësinë të zgjedhë çfarë të dojë. Në të dyja rastet, këto të dyja çojnë tek dekretimi i ministrit të Brendshëm. Kam besim se presidenti do të arrijë në përfundimin e duhur. Ajo që ndodhi me vendimin e tij për të mos marrë vendim, do të kalojë dhe presidenti do e dekretojë ministrin e Brendshëm”, u shpreh kryeministri.
Nese ky psiko, nuk njeh, e nuk zbaton kushtetuten ( me gjithese i ka shkaterruar ato) perse i djeg opozita ketij deshtaku. por kjo trego edhe nje gje qe edhe e dine,,, ate qe ky frikacak ka lepurin ne bark. sepse mbase po ia thone, ose po e kupton qe rruga qe ka nisur me kete metode mafioze ne drejtimin e pushtetit ka deshtuar, andaj duhet ti jepet nje shtyse qe te thyej qafen qe populli te shpetoi nje here e mire nga fatkeqesia e ketyre faqezinjeve rilindas me berthame kuqalesh.