Një 34 vjeçar në Shkodër ka rënë në prangat e policisë për kundërshtim me dhunë të punonjësit e policisë.
I arrestuari është Ervis Paçrami, banues në lagjen “10 Korriku”.
“Arrestimi i tij u bë pasi në vendin e quajtur Parrucë, lagjia “Qemal Stafa” në Shkodër, për shkak të detyrës, ka kundërshtuar me dhunë punonjësit e policisë së rendit” thuhet në njoftimin e policisë.
Shoqërimi i shtetasit të lartëpërmendur është konform ligjit pasi ka goditur dhe kundërshtuar punonjësin e policisë.
Materialet i kaluan Prokurorisë pranë Gjykatës së Shkallës Parë Shkodër për veprën penale të “Kundërshtimi i punonjësit të policisë së rendit publik”.