41 persona janë vënë në pranga në një operacion antidrogë gjatë natës në krahinat e Lecce, Bari e Brindizi.
Operacioni i quajtur “Short message” ka shkatërruar dy organzata të specializuara në trafikun e drogës.
Lexo më tej nga Lapsi.al:
(VIDEO) Goditet rrjeti i trafikut të drogës Shqipëri-Itali, 41 në pranga
Në agim, me mbështetjen e helikopterëve ushtarakë, 30 persona u futën në burg, 11 të tjerë në arrest shtëpie. Në total, janë 55 të dyshuar.
Masat janë lëshuar nga gjykatësi hetues i Lecce, Cinzia Vergine, me kërkesë të zv. Prokurorit të drejtorisë Antimafia, Valeria Farina Valaori.
Hetimi ka çuar në konfiskimin e sasive të mëdha të drogës si dhe të armëve e municonit.
Në mes të arrestuarve, përfaqësues të krimit në Salento, janë edhe katër të hetuar nga Terlizzi, pjesë e familjeve Dello Russo e Ficco: Michaela De Ruvo, 30 vjeçe; giamattista De Sario, 43 vjeç i njohur si Rocky, Roberto Dello russo, 38 vjeç i njohur si Malandrino, Paolo Ficco, 39 vjeç.
Vetëm në shtëpinë e Ficco, gjatë kontrollit, u gjetën jelek antiplumb dhe 18 mijë euro.
Fijet e këtyre përfaqeuesve të krimit qenë lidhur edhe me Shqipërinë, nëpërmjet Teodoro Vindicës nga qyteti i Brindizit.
Për të shitur drogë me pakicë, grupi përdorte të rinj pa eksperiencë me shpresë se ata nuk do të tërhiqnin vëmendjen e Policisë.
Hetimi, që filloi në mes të tetorit 2015 dhe përfundoi në dhjetor 2017, mbuloi aktivitetet e dy organizateve njera me bazë në Lecce dhe tjetra në Terlizzi, qytet që përmes grupit Dello Russo – Ficco, ishte një nga kanalet kryesore të furnizimit të shesheve jugore pulieze në lidhje me trafikun e kokainë, heroinë, marihuanës dhe hashashit, shkruan syri.
Klani Dello Russo-Ficco, nga ana tjetër, furnizohej nga kanalet shqiptare.
Hetuesit kanë cituar Ministrin e Brendshëm Matteo Salvini, që e dha lajmin në mediat sociale.