Presidenti Ilir Meta ka folur për raportet me ish-kryetarin e PS-së dhe ish-kryeministrin Fatos Nano. Në një intevistë që dha mbrëmjen e së enjtes në emisionin “Opinion”, Meta ka rrëfyer çfarë ndodhte mes të dyve në selinë rozë.
INTERVISTA
Fevziu: Po raportet me Fatos Nanon, si i keni pasur? Raporti juaj ka qenë kur ai ishte kryetar i partisë, kur ju u bëtë nënkryetar, edhe pse në burg… Më pas ka pasur shumë ulje-ngritje. Si do ta përcaktonit sot?
Meta: Raportet e mia me Nanon gjithmonë kanë qenë shumë të sinqerta nga ana ime. Unë kam pasur vlerësimet e mia shumë pozitive për të. Kam pasur kritikat e mia për të në aspektin që nuk kam qenë në një raport…
Fevziu: Por ju kështu më thatë edhe për Ramën, që i keni pasur të sinqerta? Për Berishën të sinqerta. Për Nanon të sinqerta? Po ndonjë njeriu a ua keni “futur”? Se në politikë gjithmonë ka…
Meta: Unë nuk e kuptoj se çfarë do të thotë kjo?!
Fevziu: “Futur” në kuptimin politik të fjalës?
Meta: Ajo që po theksoja është se kanë qenë shumë të sinqerta. Mund të kem pasur ato mendimet e mia të kundërta për shumë çështje. Këto ia kam shprehur hapur.
Fevziu: Si ishte Fatos Nano si personazh? Dhe si kryetar i Partisë Socialiste?
Meta: Mendoj se ai ishte një politikan, i cili kishte vizion. Kur ishte i qetë mund të bënte analiza të shkëlqyera, të kapte thelbin e çështjeve, të problemeve.
Fevziu: Ishte inatçor?
Meta: Po, edhe ishte, edhe s’ishte në kuptimin që…
Fevziu: Harronte shpejt?
Meta: Ishte sa inatçor, aq edhe tolerant në kuptimin e reflektimit.
Fevziu: Kur i ktheheni sot mbrapa, në vitin 2004 nuk shihnit ndonjë zgjidhje tjetër veç largimit nga Partia Socialiste? Ju kishit qenë kryeministri, zëvendëskryeministri i kësaj partie?
Meta: Së pari, nuk mu la një alternativë tjetër dhe së dyti, unë jam shumë i lumtur që kam ndërmarrë një nismë të tillë, pavarësisht se ajo nuk ka qenë një gjë e lehtë dhe e thjeshtë, pasi përmes krijimit të LSI-së unë u dhashë shumë mundësi shumë njerëzve, shumë të rinjve që do ta kishin të pamundur që t’i kishin këto mundësi për të treguar aftësitë e tyre në jetën politike.
Fevziu: Ndërkohë sot, çfarë raportesh keni me Nanon? Komunikoni?
Meta: Kur shihemi, përshëndetemi.
Fevziu: Pra, është një raport relativisht korrekt?
Meta: Për mua është një raport korrekt.
Interviste me idiote,nuk kemi lexuar.KyFevziu,ka marra ,si kot.Jo si gazetar,por edhe si prokuror,nuk behen pyetje kaq,”te pa sjelleshme”,kaq “pa kulture”,e kaq ‘Pa profesionalizem”.Por nuk kuptoj,si Meta (nekete rast,apo te tjere,ne raste te ngjashme),e toleron kaq shume,dhe nuk i tregon vendin.
Poe per ato breket qe te permendi ne KPD do na thuash ndonje gje