Një karburant është grabitur gjatë natës në Novoselë.
Sipas burimeve, kanë qenë dy persona të kamufluar që kanë kërcënuar rojen dhe i morën xhiron ditore afro 35 mijë lekë të reja.
Në dëshminë e tij në polici roja ka treguar se ka dëgjuar grabitësit që të thonë ‘nxirr pistoletën’, ndërsa më pas kanë thyer xhamin e kabinës ku qëndronte duke i marrë lekët.
Pas njoftimit, policia e Vlorës ka mbërritur në vendin e ngjarjes duke nisur hetimet, por deri tani nuk ka asnjë të arrestuar. Kjo nuk është hera e parë që këtë zonë grabiten pika karburantesh.