Sokol Rama u gjet sot i ekzekutuar me armë zjarri në makinë, në zonën e Malëshovës, pranë vendit të quajtur “Përroi i Thellë”.
Roland Milo, mik me Ramën dyshohet se është vrasësi i tij. Ai është shpallur në kërkim prej policisë.
Milo nga fshati Miçan i Frashërit në Përmet, rezulton se është shofer i administratorit të Frashërit.
Trupi i 32-vjeçarit u gjet i vrarë pas 2 javësh nga momenti kur ishte shpallur i zhdukur nga familjarët.
Policia e Tepelenës e ka bërë më herët identifikimin e vrasësit të dyshuar, por pritej të gjendej trupi dhe të krijonin bindjen e arsyeshme që është ai i dyshuari. Prej policisë bëhet me dije gjithashtu se nga këqyrja paraprake prej grupit hetimor, dyshohet se i riu është vrarë me armë zjarri. Sipas dyshimeve të policisë vrasja ka lidhje me prishjen e pazareve të drogës. Milo kishte implikuar Ramën në trafik.
Sokol Rama
Roland Milo