Besimi i treguar nga Cristiano Ronaldo në ndeshjen e kthimit kundër Atletico Madrid, në 1/8 e Champions, ishte thjesht një vazhdë e asaj që kampioni portugez kishte parashikuar si një profet i vërtetë. Konfirmimi vjen përmes mesazheve të shkëmbyera mes tij dhe mikut të tij të madh Patrice Evra, pesë ditë përpara ndeshjes, të cilat francezi i ka publikuar në faqen e tij në Instagram. “Kam besim tek ty vëlla, nuk e kam humbur kurrë” i shkruan ish-mbrojtësi i Juventus, duke marrë përgjigjen e CR7: “E di. Do t’a kalojmë raundin, në shtëpi do ti shkatërrojmë” lexohet në bisedën e WhatsApp, që është postuar nga francezi për ti dedikuar mendimin e tij lojtarit, që e konsideron më të mirin në botë. “Kjo tregon besimin, nervin, vendosmërinë e lojtarit më të mirë në botë. Në cdo rast të madh ka treguar se është një burrë i vërtetë. Të lutem mos u bëj xheloz nga fakti që i tregova të gjithëve mesazhet!”.