Një shqiptar 48 vjeç u arrestua nga policia italiane, pasi u kap me 15 kilogramë kokainë. Droga ishte fshehur në garazh.
Gjithashtu janë sekuestruar 60 mijë euro, 10 mijë paund, një pistoletë gjysmë-automatike dhe një makinë e madhe, e cila përdoret për transport lënde narkotike.
Në rast se droga do të shitej në treg, do të kapte vlerën e 2 milionë euro, shkruajnë mediat italiane.
Policia italiane informoi se shqiptari kishte 22 vjet që rrinte në Firence, ndërsa nuk kishte asnjë precedent më herët. Ai u prangos në mëngjes dhe u dërgua në dispozicion të autoriteteve shtetërore.