Një ndërtim pa leje është prishur sot në zonën muzeale të Gjirokastrës, me urdhër të kryebashkiakut të ri, Flamur Golemi. Ndërtimi ishte ngritur muajt e fundit në kompleksin e pazarit karakteristik.
Objekti ishte një ballkon betoni dhe tendë që binte ndesh me parametrat e kompleksit muzeal dhe për më tepër pa marrë leje.
Nuk dihet nëse do të ketë apo jo hetim të zyrtarëve që e toleruan këtë ndërtim. Në Gjirokastër cdo ndërtim që kryhet bëhet me miratim të Institutit të Monumenteve të Kulturës dhe UNESCO-s. Aktualisht në atë zonë janë duke u kryer punimet për restaurimin e kalldrëmeve.
©LAPSI.al