• |
ide | kryesore

“Boli”, “Rocky”, “Idli”/ Nofkat e kapove të 2 grupeve mafioze shqiptare të goditura në Itali

Lajme, Të fundit

Policia e Milanos arrestoi 7 shqiptarë dhe një italian me akuzën e trafikut ndërkombëtar të drogës. Të arrestuarit jetonin të gjithë në Komo.

Policia italiane ka dhënë vetëm emrat e shefave të 2 organizatave të strukturuara kriminale. Ata janë durrsakët Seit Ajazi që njihet edhe me nofkën “Idli” dhe Agim Proshka, që thirret edhe me nofkën “Boli”. Ndër të arrestuarit është edhe një shtetas shqiptar 21-vjeçar i lindur në Greqi, që mban pseudonimin “Rocky Balboa”.

Të dy grupet kriminale kishin lidhje farefisnie e krushqie me njeri-tjetrin. Arrestimet janë në vazhdim të vënies në pranga të 23 narkotrafikantëve në shtator 2018.

Agim dhe Edison Proshka së bashku me Jurgen Verbovcin janë arrestuar edhe në shkurt 2018, kur u kapën me 17 kilogram kokainë që po dërgohej nga Holanda në Itali. Sipas medieve italiane hetuesit thonë se këto 2 organizata kriminale kanë trafikuar të paktën 40 kg kokainë.

Ajo shpërndahej në shitës më të vegjël me nga 100 – 200 gram secili. Gjatë operacionit u gjetën edhe një revolver, një pistoletë gjysmë automatike, 2 pistoleta automatike dhe një sasi municionesh të kalibrave të ndryshëm.
©LAPSI.al

Milano, importavano eroina e cocaina dall'Olanda: otto arresti

Lini një Përgjigje

Adresa juaj email s’do të bëhet publike.

Kthehu