• |
ide | kryesore

Dyshimet/ 4 shqiptarë të vrarë në vetëm 2 javë në Londër (emrat)

Lajme, Të fundit



Mediat britanike vijojnë t’i kushtojnë vëmendje vrasjes mafioze të 36-vjeçarit shqiptar Flamur Beqiri në prag të shtëpisë së tij 1.5 milionë £ në jug të Londrës pak ditë më parë. Policia është duke hetuar lidhjet e mundshme të tij me krimin e organizuar në Suedi ku Beqiri u transferua nga Kosova që fëmijë.

Në vitin 2008 ai u etiketua si një nga njerëzit më të kërkuar të Suedisë pas pretendimeve se ishte pjesë e një bande ndërkombëtare të drogës që kontrabandonte 2 milion paund kanabis në Skandinavi. Akuzat u hodhën poshtë më vonë, por ai u shpall fajtor për kontrabandën e cigareve dhe alkoolit. Ai është vëllai i modeles shqiptare Mise Beqiri.

Inspektori Jamie Stevenson thotë: “Ne besojmë se Flamuri mund të ketë qenë i përfshirë në ndonjë ngjarje kriminale në Suedi dhe janë në lidhjet me homologët tanë suedezë që do ta na provojnë të kuptojmë se çfarë, nëse ka, incidente që mund të kenë çuar dikë që kërkontë ndëshkimin e Flamurit”

4 ditë para se të vritej Beqiri, një 31-vjeçar kosovar, Shkelqim Paja, u gjet i vdekur nga plagët me thikë në Elstree, Hertfordshire. Policia e ka lidhur këtë ngjarje me vrasjen e një 30-vjeçari të gjetur gjithashtu të vrarë me thikë në Barnet, në veri të Londrës, një ditë më parë. Viktima u identifikua si Arbër Fesko.

Shqiptari Besnik Berisha, 42 vjeç dhe KazikuTuëisana, 31 vjeç, janë akuzuar për të dyja vrasjet dhe janë vendosur në paraburgim. Policia po heton nëse vrasja e dyfishtë është e lidhur me krimin e organizuar, por thotë se nuk ka asgjë për vrasjen e Flamur Beqirit.

Një javë më parë, më 12 dhjetor, shqiptari Asqeri Spaho, 25 vjeç, vdiq pasi u qëllua me thikë në gjoks gjatë një zënke në Southhend. Një zëdhënës i policisë tha: “Policia beson se të dyshuarit e sulmuan atë gjatë një vjedhje të lidhur me drogën”.

Tre burra nga Londra, dy të moshës 21 vjeç dhe një i moshës 31 vjeç u arrestuan. Qeveria britanike ka premtuar një 35 milion paund për të ndihmuar policinë të trajtojë nivelet spirale të dhunës të lidhura me krimin e organizuar. Policia Metropolitane ka hetuar 150 vrasje këtë vit. ©Përgatiti LAPSI.al



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *