Nuk ka paqe për Barcelonën. Pas eleminimit në Superkupën e Spanjës përballë Atletico Madrid, blaugrana rrezikojnë në fakt të mos kenë për një periudhë të gjatë kohe qendërsulmuesin e tyre kryesor Luis Suarez. Uruguajani shumë shpesh ka luajtur me dhimbje në gju dhe terapitë nuk kanë dhënë rezultat, duke e bërë që tashmë cështja të bëhet serioze.
Sipas asaj që bën të ditur “Sport”, sulmuesi në ditën e sotme do ti nënshtrohet kontrolleve për të analizuar me kujdes problemet në gju, që e shqetësojnë prej kohësh, duke vlerësuar në të njëjtën kohë mundësinë e një ndërhyrje kirurgjikale. Nëse Suarez do të vendosë ti nënshtrohet operacionit, hipoteza është se do ti duhet të qendrojë shumë javë larg fushës, në kohën më të papërshtatshme për katalanasit.