• |
ide | kryesore

Sanchez, arma plus e Inter në sfidën-titull me Juventus

Sport

Një trajner profesionist si Antonio Conte, di të marrë indikacione nga situata në limit si në rastin e Inter-Ludogorets, kundër kundërshtarëve të nivelit inferior, me kualifikimin praktikisht të arritur që në ndeshjen e parë e pa public mbështetës. Në 90 minutat e San Siro ritmi i zikaltërve ka qenë logjikisht i ulët, ndoshta edhe për këtë ka spikatur sjellja e Alexis Sanchez, një që mes dëmtimesh e zgjedhjesh teknike ka pak minutazh në këmbë, por shfrytëzoi rastin për të trokitur në derën e trajnerit.


Me arkivimin e kualifikimit në Europa League, shënjestra e interistëve është drejt Stadium e sfidës titull kundër Juventus. Paradoksalisht dyert e mbyllura në San Siro për koronavirus mund ti japin një avantazh të vogël Inter, duke qenë se edhe të dielën duhet të luhet pa public. E sigurtë është se rikuperimi i mundshëm i Handanovic dhe përfaqësimi i kilenit i kanë sjellë buzëqeshje teknikut.


Dëshirë, grintë, intensitet e gol i mohuar vetëm nga traversa, Nino Maravilla duket i kthjellët për ti dhënë teknikut një variabël taktike më shumë. Tani që Lautaro Martinez duket se jeton në një moment refleksioni, zmalti i Sanchez bëhet vendimtar. Mirëkuptimi i madh me Lukaku, e bën partnerin perfekt të atij që është i pazëvendësueshëm në hierarkitë ofensive interiste. Të gjithë komponentë që sjellin në një shans të madh kundër Juventus, që mund të kthehet në një rilindje të Sanchez (në ndeshjen e vajtjes ishte i skualifikuar).

Lini një Përgjigje

Adresa juaj email s’do të bëhet publike.

Kthehu