Një moment përfundimisht jo për Marcelo Brozovic, në fushë për shkak të dëmtimeve por edhe jashtë. Në mbrëmjen mes të premtes e të shtunës mesfushori kroat i Inter, në drejtim të makinës së tij Rolls Royce Cullinan (motor 600 kuaj fuqi e cmim mbi 350 mijë euro), është ndaluar nga një patrullë policie pasi kaloi me semafor të kuq në Piazza Cantore, jo larg nga zona Navigli, në Milano. Kroati i është nënshtruar testit të alkolit, duke rezultuar lehtë përtej limiteve të lejuara: patenta i është bllokuar.
Rezultati i alkoltestit: 0,54 gram alkol për litër gjak, shumë pak mbi limitin e lejuar nga ligji prej 0,50. Por kaq mjafton për dënimin. Brozovic është gjobitur edhe për targën gjermane të makinës, që ka rezultuar e lidhur me një shoqëri me seli në Mynih të Bavarisë, pavarësisht se lojtari është rezident në Itali prej më shumë se 60 ditësh.