Gjashtë persona, mes tyre një polic janë arrestuar nga policia e Tiranës në një operacion për goditjen e kultivimit të kanabisit. Pas një hetimi disa mujor, në zonën e Zall Bastarit në Tiranë, nga kontrolli i territorit dhe informacioneve operative janë vënë në pranga 6 persona, ndërsa 3 të tjerë janë shpallur në kërkim dhe një është proceduar penalisht në gjendje të lirë.
Punonjësi i policisë me iniciale E.D. dyshohet për veprat penale “Shpërdorim i detyrës” dhe “Kultivim i bimëve narkotike”, kryer në bashkëpunim. Pjesa tjetër e të arrestuarve dyshohen për veprën penale “kultivim i bimëve narkotike”.