Trupat e viktimave të koronavirusit mund të mbeten infektuese edhe pas vdekjes së tyre, zbulon studimi gjerman. Ekipi i hulumtuesve, në Universitetin Medical Center në Hamburg, testoi trupat e 11 personave të cilët humbën jetën nga Covid-19. Ata zbuluan gjurmë virusi në intervale të rregullta nga 12 orë pas vdekjes, deri në shtatë ditë më vonë.
“Ne zbuluam vazhdimisht ARN të virusit në të gjitha pikat kohore të analizuara ”, shkruajnë studiuesit. Shkencëtarët thonë se ata vunë re se gjurmët e koronavirusit gjendeshin në indet e pacientëve të vdekur në intervale vazhdimisht të larta dhe në mënyrë konstante.