Një makinë ka marrë flakë në qendër të Tiranës teksa ka qenë në lëvizje. Rreth makinës është krijuar trafik i madh.
Ngjarja ka ndodhur në qendër, pranë Muzeut Kombëtar. Policia ndodhet në vend, ndërsa zjarri ka bërë që të bllokohet qarkullimi. Nuk dihet nëse janë lënduar shoferi dhe pasagjeri i makinës.
Policia jep detaje:
Më datë 29.12.2020, rreth orës 16:10, në rrugën “Dedë Gjo Luli”, mbrapa Muzeut Kombëtar, dyshohet si pasojë e një shkëndije elektrike ka marrë flakë në lëvizje mjeti me drejtuese shtetasen K.V dhe pasagjer shtetasin E.G ., ku ka vetëm dëme materiale.
Në vendngjarje ndodhet zjarrëfiksja, e cila po punon për fikjen e zjarrit.
Vijon puna me grupin hetimor për sqarimin e rrethanave të ngjarjes.