“Kthimi i Zotit”, kështu e ka festuar Zlatan Ibrahimovic thirrjen me Suedinë në rrjetet sociale. Dy lajme të mira për sulmuesin e Milan: është kthyer të punojë në grup përpara sfidës me Manchester United dhe ka marrë zyrtarizimin e kthimit të tij në ekipin kombëtar. Në moshën 39 vjeçare, pas gati pesë vjetësh pa veshur fanellën suedeze, ai në fakt u përfshi nga ish-armiku i tij Andersson, në skuadër, për ndeshjet kualifikuese të botërorit.
Milan shpreson ta rikuperojë atë të enjten në ndeshjen e kthimit të raundit të 1/8 të Europa League kundër Manchester United ose më së voni kundër Fiorentinës të dielën, pastaj Ibra do të udhëtojë në Suedi për ndeshjet kualifikuese për Kupën e Botës Katar 2022 kundër Gjeorgjisë dhe Kosovës dhe për ndeshjen miqësore kundër Estonisë. Nga një evropian në tjetrin atëherë, sepse prania e fundit e Ibras me kombëtaren daton në 22 qershor 2016, në Kampionatin Evropian në Francë, në ndeshjen kundër Belgjikës. Prej atëherë një seri përjashtimesh dhe polemikash, me Ibrahimovic që akuzoi trajnerin se nuk merr parasysh lojtarët me origjinë jo-BE dhe më pas e pa Botërorin e Suedisë në Rusi nga shtëpia, me postime provokuese dhe madje kritika nga distanca, të tilla si ai i në tetor 2020, kur Zlatan e quajti trajnerin një “të paaftë” që nuk lë Kulusevski të luajë (“Njerëz të tillë mbysin futbollin suedez”).
Por tani të dy duket se kanë lënë mënjanë inatet dhe në Suedi po përgatiten konferencën për kthimin e madh të Zlatan. Sulmuesi ndërkohë ngroh motorët dhe përqendrohet për një aventurë të re në Kampionatin Evropian: Spanja, Polonia dhe Sllovakia janë të paralajmëruara.
ANDERSSON: “IBRA MË I MIRI”
“Është bukur të shohësh që Ibrahimovic dëshiron të kthehet në ekipin kombëtar”. Me këto fjalë trajneri suedez Janne Andersson ka mirëpritur rikthimin e sulmuesit 39-vjeçar të Milan, i cili u tërhoq nga aktiviteti ndërkombëtar 5 vjet më parë. “Mezi po pres të shoh ekipin – tha Andersson, pas shtyrjes së ndeshjeve të nëntor për shkak të pandemisë – Sa i përket Zlatan, ai është lojtari më i mirë që kemi pasur në këto vite dhe të dije se ai dëshironte të kthehej ishte një lajm i shkëlqyer. Përveç asaj që ai mund të japë në fushë, ai ka një përvojë të jashtëzakonshme dhe mund t’ia kalojë atë pjesës tjetër të ekipit”.
