Një 24-vjeçar, që i jepte makinës pa leje drejtimi, është vënë në pranga nga policia e Korçës për shkak se u kap duke transportuar 2 emigrantë të paligjshëm. Policia e Korçës njofton se në vijim të operacionit “Perimetri” është goditur aktiviteti kriminal dhe është bërë arrestimi i shtetasit W.H., 24 vjeç, banues në Tiranë.
Mësohet se ai po transportonte për në qytetin e Bilishtit, 2 emigrantë të paligjshëm, të cilëve kundrejt shpërblimit, iu kishte premtuar kalimin e kufirit në drejtim të Greqisë. Materialet i kaluan Prokurorisë së Rrethit Gjyqësor Korçë, për veprat penale “Drejtimi i automjeteve në mënyrë të parregullt” dhe “Ndihma për kalim të paligjshëm të kufijve”.