• |
ide | kryesore

SHBA: Vonesa në integrimin e Ballkanit, hapësirë për Kinën dhe Rusinë

-Instant, Arkiva, Lajme, Të fundit



Shtetet e Bashkuara rikonfirmuan të enjten mbështetjen për integrimin e Ballkanit Perëdimor në Bashkimin Evropian dhe shprehën angazhimin për të nxitur këtë proces, në interes të vetë vendeve, BE-së dhe Shteteve të Bashkuara.

Zv/Ndihmës Sekretari i Shtetit për Evropën Jugore dhe Qendrore, Gabriel Escobar tha para anëtarëve të nënkomisionit për Evropën dhe Euroazinë, se administrata e Presidentit Joe Biden është e përkushtuar ndaj “një rajoni që është historikisht, nga ana kulturore dhe gjeografikepjesë e Evropës.

“Synimi ynë për të gjashtë vendet e rajonit është të mbështesim integrimin e suksesshëm në institucionet e instituteve evropiane dhe anëtarësimin në Bashkimin Evropian”, tha zoti Escobar.

Ne po punojmë me partnerët tanë, tha zoti Escobar për të përforcuar mesazhin se anëtarësimi mbetet një mundësi reale brenda një afati kohor realist dhe për të shërbyer si një shtysë kritike për që të ketë vullnet të vazhdueshëm politik për të zbatuar dhe intensifikuar reforma të vështira.

“Mesazhi më i fortë që BE mund të japë tani është të planifikojë fillimin e negociatave të pranimit të Maqedonisë së Veriut dhe Shqipërisë në BE përpara fundit të këtij viti”, tha ai.

Vonesat në këtë proces tha zoti Escobar, do të dëmtonin shpresat e brezave të ardhshëm dhe do të krijonin hapësirë për ndikimin keqdashës së vendeve si Rusia dhe Kina.

Ai tha se puna e përbashkët mes Shteteve të Bashkuara dhe Bashkimit Evropian drejt objektivit të integrimit evropian përfshin edhe mbështetjen ndaj bisedimeve mes Kosovës dhe Serbisë, “si rruga më e mirë për normalizimin e marrëdhënieve ndërmjet Serbisë dhe Kosovës.”

“Dialogu është forumi përmes së cilit të dyja palët duhet të punojnë si të barabarta për të zgjidhur mosmarrëveshjet e tyre dhe për të normalizuar marrëdhëniet dhe ideale do të ishte që kjo të bëhej përmes njohjes sp ndërsjelltë”, tha ai.

Zoti Escobar tha se nga perspektiva e Uashingtonit dhe aleatëve të tij është që dy vendet të zbatojnë marrëveshjet e deritanishme.

“Megjithëse nuk jemi pjesë e dialogut, nuk jemi pjesë e procesit të negociatave, ne punojmë shumë ngushtë me zotin Lajçak, duke i inkurajuar palët të jenë fleksibël, pragmatike dhe të orientuara drejt zgjidhjeve.

“(Zgjidhja e) tensioneve më të fundit, mendoj treguan se ka mundësi për të punuar së bashku, sepse vërtetuan se dialogu funksionon si një forum për zgjidhjen e problemeve”, tha ai.

Duke iu përgjigjur një pyetjeje për Ballkanin e Hapur, zoti Escobar tha se Shtetet e Bashkuara mbështesin të gjitha nismat që afrojnë vendet ekonomikisht.

“Udhëheqësit e tre vendeve (Shqipërisë, Serbisë dhe Maqedonisë së Veriut) që e kanë hedhur nismën për Ballkanin e Hapur, na kanë siguruar seështë e hapur për të gjitha gjashtë vendet e Ballkanit Perëndimor dhe ne u besojmë. Në fakt nuk mund të ketë sukses pa tre vendet tjera”, tha ai.

Ai shtoi se kjo nismë është e ngjashme më atë që nën procesin e Berlinit njihet si tregu i përbashkët rajonal.

“Mendoj se plotësojnë njëra-tjetrën dhe çdo gjë që i afron vendet mes tyre, do të krijojë mirëbesim ndërmjet njerëzve, do të krijojë mundësi për lëvizje politike në disa çështje tjera. Pra, po, i mbështesim të gjitha përpjekjet për të afruar vendet ekonomikisht mes tyre”, tha ai.

Një treg i tillë do të ishte shumë tërheqës për kompanitë amerikane, tha zoti Escobar.

Kryetari i Nënkomisionit për Evropën dhe Euroazinë, William Keating tha se shpresonte që një seancë e tillë t’u jepte përgjigje shqetësimeve që Uashingtoni nuk po i kushton rëndësi rajonit dhe se integrimi i vendeve të tij është në të mirë të vetë atyre, BE-së dhe Shteteve të Bashkuara. /VOA



4 Comments

  1. Po normal qe ka vonesa sepse qofre ti, qofte Palmer apo Reeker po e largoni Ballkanin prej standarteve demokratike duke mbeshtetur pa asnje llogjikw dhe me cdo kusht autokrate te peshtire si Rama, Vucic apo Zaev. Ne emer te nje stabiliteti krejt fals ju po shkaterroni demokracine dhe balancat e pushteteve te ketyre vendeve, po shkaterroni konkurrencen e brendshme politike dhe lejoni qe media te teansformohet nga pushtet i katert ne kamzhik ne duart mafies dhe autokrateve ballkanas. Diplomacia amerikane eshte ne piken e saj me te ulet ne ballkanin perendimor krejt prej paaaftesise se vet dhe karagjozllekut profesional te individeve qe e perfaqesojne ate.

  2. Se pari, nese Rusia apo Kina investojne ne rajon eshte mire dhe jo keq. Sikunder investojne ne Evrope, SHBA e gjetke. Madje, Kina eshte kryesori ne financimin e borxhit amerikan. Apo leket i doni ju plehra ambasadore e zvendes.
    Se dyti, plani i ballkanit te hapur thote ngjan me procesin e Berlinit. Pra ngjan. Pra zoteria thore o do behet e jona (ndarja copa copa) o ska. Dmth meqe spiunet dhe skuthet e Serbise dhe Shqiperise i.kthyen llafin Gjermanise, pra Merkel, tani oburra ta bejme gjith ballkanin amerikan, me lidere si Rama dhe Vucic. Oburra ti hedhim minat Kurtit.
    Se treti, kjo puna amerikes ka vajtur atje ku smban ose.mban por ere te keqe.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *