• |
ide | kryesore

Konflikti në Ukrainë, reagon edhe Papa Francesku

-Instant, Arkiva, Lajme, Të fundit

Papa Francesku reagon i shqetësuar për situatën në Ukrainë, ku Rusia është bërë gati për shpërthimin e luftës, ndërsa superfuqitë botërore kanë konkretizuar tashmë sanksionet e ashpra ndaj saj.


Teksa shpreh shqetësimin për situatën, Papa Francesku iu bën thirrje të gjitha kombeve që të ulin tensionet dhe të reagojnë me ndërgjegje, pasi sipas tij, lufta do të ketë pasoja serioze në të gjithë komunitetin ndërkombëtar.


“Kam një dhimbje të madhe në zemër për përkeqësimin e situatës në Ukrainë. Pavarësisht përpjekjeve diplomatike të javëve të fundit, skenarë gjithnjë e më alarmantë po hapen. Si unë, edhe shumë njerëz në mbarë botën, po ndjejnë ankth dhe shqetësim”, shprehet Papa Francesku.

Ndërkohë, kreu i Vatikanit ka shpallur 2 marsin si ditën e lutjes dhe agjërimit për paqen botërore.

“Edhe një herë, paqja e të gjithëve kërcënohet. Dua t’iu bëj thirrje atyre që kanë përgjegjësi politike të bëjnë një ekzaminim të ndërgjegjes para Zotit, Zotit të paqes dhe jo të luftës. Ne kemi nevojë për vëllezër dhe jo për armiq. Kërkoj nga të gjitha palët e përfshira që të përmbahen ndaj çdo veprimi, që shkakton vuajtje për popullsinë”, shton më tej ai.


1 Comment

  1. Pape,je me vonese, e ke ushkurin e lidhur ne Izrael , i more ne qafe katoliket botes dhe aq pak sa kane mbetur ta quajne veten …

Lini një Përgjigje

Adresa juaj email s’do të bëhet publike.