Ukraina ka hyrë sot në ditën e 15-të të luftës me Rusinë. Deri më tani përparimi Rus drejt Kievit është ngadalësuar ndjeshëm nga ukrainasit të cilët po tregojnë një rezistencë të pashembullt ndaj pushtuesve.
Ministrat e Jashtëm të Ukrainës dhe Rusisë kanë mbërritur në Turqi për të zhvilluar bisedime paqeje.
Një repart materniteti dhe një repart për fëmijë janë shkatërruar në një sulm ajror rus në një spital në qytetin jugor të Mariupolit, thonë zyrtarët atje.
Presidenti ukrainas Volodymyr Zelensky e quan sulmin ndaj objektit një “krim lufte”. “Shkatërrimi është kolosal,” thotë këshilli i qytetit.
SHBA paralajmëron se Rusia mund të planifikojë një sulm kimik ose biologjik në Ukrainë.
Ligjvënësit amerikanë kanë miratuar një plan ndihme prej 13.6 miliardë dollarësh për Ukrainën, ndërsa FMN ka miratuar 1.4 miliardë dollarë financime emergjente.