Kryetari i Komanduar i Partisë Demokratike Enkelejd Alibeaj, i bëri thirrje deputetëve të Partisë Demokratike dhe anëtarëve të Komisionit të Rithemelimit që të veprojnë si në një familje, ku problemet e brendshme nuk nxirren jashtë shtëpisë. Në fjalën e tij në parlament ai u shpreh se interesi i pjesë së djathtë të parlamentit duhet të jetë mbrojtja e interesit qytetar dhe mos të bien pre e kurtheve të vogla.
Shkak për tonet përbashkuese të Alibeaj u bë debatit i ngritur nga anëtarët e Komisionit të Rithemelimit se në seancën e sotme duhet të mbahej interpelana e thirrur prej tyre me kryeministrin Rama dhe jo mocioni me debat për çmimet i propozuar nga Partia Demokratike.
“Ju bëj me dije ju dhe gjithë publikut, nuk duhet të provokoni debate të brendshme të grupit parlamentar, është e disata herë që ju e keni bërë këtë. Ndoshta ju do doni të fitoni kredo politike, po kjo nuk i bën nder askujt.
Kolegët e nderuar që nga ana ime kanë respektin maskimal, familja jonë ka rregullat e veta, ka kontributin e gjithësecilit. Rregulla të përcaktuara në rregullore. Miqtë e mi kolegë të nderuar nuk ju lejoj që çështjet e brendshme t’i nxjerrim në mexhlis.
Sipas procedurës tonë të bredshme sekretari i grupit i ka dhënë mundësi të gjithë deputetëve anëtarë të grupit parlamentar të flasin dhe kanë gjetur mundësinë për të folur.
Ky është rregulli i brendshëm. Në një familje serioze në respekt të njërit tjetrit thirrje ju bëj që primare është që kjo pjesë e parlamentit ka synim të jetë protektor i interesave të qytetarëve dhe mos të biem në lojëra të vogla apo kurthe të vogla, por të mbrojmë interesit të qytetarëve shqiptarë”, tha Alibeaj.