Ditën e djeshme, në Kosovë ka ndodhur një incident në arenën e futbollit.
Dy gazetaret e njohura të Kanalit 10 dhe Klan Kosova, njëkohësisht edhe zyrtare të Federatës së Futbollit në Kosovë, Alba Morina dhe Maki Bajrami janë përleshur me njëra-tjetrën.
Siç është bërë e ditur nga të pranishmit, dy gazetaret kanë goditur me karrige njëra-tjetrën. Ngjarja ka ndodhur pak para ndeshjes mes Kosovës U17 me Gjermaninë U17 te femrat.
Ende nuk dihet arsyeja e nisjes së këtij konflikti, por duket se situata ka qenë serioze.
Megjithatë, në lidhje me këtë, ka reaguar Morina duke i quajtur këto raportime si shpifje.
“Unë, asnjëherë në jetën time nuk kam pas përleshje fizike me as edhe një njeri, e as me kolegen time”, ka shkruar ajo.
Ende nuk dihet nëse raportimi është i vërtetë, apo Alba ka të drejtë.
Postimi i plotë:
Është e turpshme t’shpifet deri në këtë nivel!
Unë, asnjëherë në jetën time nuk kam pas përleshje fizike me as edhe një njeri, e as me kolegen time!
Teksa ndeshja Kosova-Gjermania u17 ka qene duke u zhvilluar në Prishtinë, une dhe një pjesë e ekipit kemi qene fizikisht në Podujevë, duke punuar në një tjetër ndeshje, Sloveni – Austri. Te bashkangjitura i keni edhe fotografite me ore e dite! Deshmi për t’ua demaskuar trillimet!
Gjuajtet me karrike siduket ju shkojnë shumë për shtati nivelit tuaj shpifës, sepse një kreativitet i tillë s’më kishte shuar në mend ndonjëherë!
Nuk e kam zakon të reagoj në të pavërteta si puna e “… e ka zyrën e madhe vet” sepse të gjithë ata qe na vizitojnë për punë e dinë qe jemi 3 persona që ndajmë një hapsirë!
Por ama, ne kësi ore e kam me borxh t’a shkruaj këtë reagim sepse ma keni shqetësu familjen e shoqërine!
Në vlugun e punëve tona, shpifjet e tilla kanë për qëllim vetëm destabilizimin, keqinformimin, shpifjen e tërheqjen e vëmendjës nga punët e mira!
Hajde informoni pak cili është roli i gruas në futboll? Sa vajza jemi të përfshira në organizimet e ndeshjeve ndërkombëtare? Cila është hapsira që na është krijuar? Çka saktësisht ne punojmë?!
Apo këto përgjigje ju prodhojne lajme të ndritura që nuk ku shkojnë për shtati!
Turpi e gënjeshtra s’paska kufi…!