Triumf për Coleen Rooney dhe poshtërim për Rebekah Vardy në të ashtuquajturën “Lufta e Wags” – një akronim i rezervuar në Mbretërinë e Bashkuar për bashkëshortët dhe të dashurat e futbollistëve të famshëm -, ose më saktë betejën gjyqësore mes mikeshave të dikurshme të luftuar pa goditje të ndaluara dhe në favor të telekamerave, që në javët e fundit ka monopolizuar kuriozitetin e TV dhe tabloideve britanike.
Gjyqi, i vulosur nga seanca e fundit më 19 maj, përfundoi në fakt me një vendim në favor të gruas së Wayne Rooney, golashënuesi më i mirë i të gjitha kohërave të Tre Luanëve, e pagëzuar nga shtypi popullor “Wagatha Christie” për organizimin e një kurthi për të zbuluar ‘gojën’ e fshehtë të një sërë thashethemesh mediatike të zbuluara për të në muajt e fundit; derisa arriti në përfundimin se ajo që nxirrte zbuluar cështjet e shtëpisë së saj – me ndihmën e një punonjësi të shtypit – kishte qenë ish-shoqja e saj Rebekah Miranda, gruaja e Jamie Vardy, sulmuesi i Leicester dhe ish-shoku i skuadrës së kombëtares së Wayne.
Një dyshim i shpërndarë në rrjetet sociale, të cilit Rebekh i ishte përgjigjur me një denoncim për shpifje, të cilën megjithatë Karen Steyn, gjyqtare e Gjykatës së Lartë të Londrës, e hodhi poshtë sot për pabazueshmëri të dukshme. Në vendim, gjykatësja Steyn shtoi Caroline Watt, menaxheren e Vardy, si një burim “i mundshëm” i thashethemeve të familjes Rooney, të zbuluara në kolonat e Sun me bekimin e mundshëm të Rebekah.
Edhe pse pa dënuar “fyerjet e ndyra” të navigatorëve të internetit që goditën Rebekën përmes rrjeteve sociale, Coleen, e shoqëruar nga bashkëshorti i saj gjatë gjithë kohëzgjatjes së përballjes gjyqësore, u shpreh e kënaqur me vendimin, duke shtuar gjithashtu se zonja Vardy dhe stafi i saj “nuk duhet të kishin nisur kurrë” veprimet ligjore kundër saj.