Berisha: Patronazhistët janë terroristë të kuq

Kryetari i PD Sali Berisha është duke mbajtur një takim me krerët e degëve të Partisë Demokratike në rrethe. Në fjalën e tij ai tha se kryeministri, Edi Rama ka filluar manipulimin e zgjedhjeve lokale të 2023-it që tani. Ndërsa theksoi se PD është e vendosur të përballet me Ramën në këto zgjedhje, dhe se nuk do t’i bojkotojë. Berisha i cilësoi patronazhistët terroristë të kuqë. Ai tha se patronazhistët kanë kërcënuar qytetarët gjatë fushatës zgjedhore.

“Nuk bën dot regjistrimin, sepse e di që mund të dalin 2 milion shqiptar. Nga një njeri i cili, vritet tjetri në mesnatë, i merret shpirti në mesnatë nga patrulla të droguara policie dhe ta shikoni se çfarë shkruan ai për hienat dhe stërhienat. Një mendje e sëmurë mund të shkruajë gjëra të tilla. Nga një njeri i cili pasi ka rrëmbyer me ushtrinë e patronazhistëve, terroristë të kuq, nuk them se çdo patronazhisht është i tillë, por një pjesë e mirë janë sjellë si terroristë te kuq në zgjedhje sepse kanë kërcënuar njerëzit tanë. U kanë thënë se nëse ti voton këtë, do të kesh pasoja. Ky njeri që ka ardhur në pushtet me këtë mënyrë, ushtron terror mbi ne.
Ky njeri ka nisur manipulimin e zgjedhjeve dhe mendon se ne do ti bojkotojmë. Ne nuk bojkotojmë zgjedhje ne do të përballemi me të. Ne kemi të shenjtë votën dhe do të bëjmë gjithçka që shqiptarët të votojnë të lirë. Nis e mbush sallat me fëmijë shkollash në fushatë. Se është partia shtet. Partia shtet nuk njeh asnjë kufi. Ne nuk i përkasim Shqipërisë, nuk ka ligj për ne, nuk ekziston në kushtetutë. Prandaj ne kapemi fort tek vota”, tha Berisha.