• |
ide | kryesore

FOTO/ 90 minutat e fundit të Pique përpara tërheqjes: Camp Nou i rezervon brohoritjet, edhe Xavi del në fushë

-Instant, Sport, Video
pique

Emocione të mëdha në Camp Nou, për ndeshjen e fundit të Gerard Pique. Qendërmbrojtësi të enjten, në mënyrë të papritur, njoftoi vendimin e tij për t’u tërhequr nga futbolli. Shokët e skuadrës së Barcelonës, duke hyrë në fushë për ndeshjen e Ligës kundër Almerias, mbajtën veshur të gjithë fanellën me numër 3 të mbrojtësit spanjoll. Në fushë zbriti edhe Xavi, për t’i treguar respektin një prej lojtarëve më të rëndësishëm në triumfet e Barcelonës.



Lexo më tej: Nuk do ta veshë fanellën me sponsor ‘Shakira’, Pique braktis futbollin: “Të shtunën ndeshja e fundit në Camp Nou”

Për Pique, i kujtuar gjithashtu nga tifozët me brohoritje dhe pankarta, janë 15 sezone te Barça për gjithsej 616 ndeshje. Mbrojtësi ka shënuar bukurinë e 52 gola dhe ka ngritur lart 30 trofe. Në palmaresin e Pique janë 8 kampionate spanjolle, tre Champions League dhe tre Kupa Bote për klube. Qershia mbi tortë është Botëror (2010) dhe Europiani (2012) i fituar me fanellën e Spanjës.

Sa për ndeshjen, Barcelona triumfoi 2-0 ndaj Almerias, duke u kthyer provizorisht në vendin e parë. Pas penalltisë së humbur nga Leëandoëski në minutën e 7, blaugrana pritën pjesën e dytë për të zhbllokuar ndeshjen. Në minutën e 48 Dembele shënoi golin e parë, ndërsa De Jong mbylli llogaritë në të 62. Standing Ovation për Pique, i zëvendësuar në minutën e 84′ nga Christensen. Barcelona është në vendin e parë me 34 pikë, por mund të kalohet sërisht nga Real Madrid, i impenjuar të hënën në transfertën me Rayo Vallecano. Blancos janë të dytët aktualisht me 32 pikë.


Lini një Përgjigje

Adresa juaj email s’do të bëhet publike.