• |
ide | kryesore

“Rooney e Neville nuk janë miqtë e mi”: pas fjalëve të Ronaldo vjen përgjigja e dy ish-lojtarëve të United

-Instant, Sport
Rooney

Pas intervistës shpërthyese të Cristiano Ronaldo, vijnë edhe reagimet e para nga direkt të interesuarit. Kampioni portugez në bisedën me gazetarin britanik Piers Morgan nuk kurseu askënd. Ai sulmoi Manchester United, pronarët e klubit (Glazers) e teknikun ten Hag. Por portugezi nuk harroi as shokët e vjetër të skuadrës, Wayne Rooney dhe Gary Neville. Dy ish-djajtë e kuq megjithatë nuk kanë heshtur.


Megjithatë, gjatë intervistës me Morgan, ai sulmoi drejtpërdrejt dy ish-shokët e skuadrës: “Nuk e di pse Rooney më kritikon kaq shumë. Ndoshta sepse ai i dha fund karrierës dhe unë vazhdoj të luaj në nivelin më të lartë. Është e vështirë të dëgjosh atë lloj kritike dhe negativiteti nga njerëzit që kanë luajtur me ty, për shembull Gary Neville. Njerëzit mund të kenë mendimin e tyre, por në të vërtetë nuk e dinë se çfarë ndodh. E kam fjalën brenda fushës së stërvitjes së Carrington, apo edhe në jetën time. Ata duhet të dëgjojnë jo vetëm një këndvështrim, por edhe këndvështrimin tim”.


Ronaldo më pas shtoi se të dy nuk janë miqtë e tij: “Rooney, një vit apo gjashtë muaj më parë, ishte në shtëpinë time. Ai mori fëmijët e tij dhe e ftoi djalin tim 12-vjeçar të shkonte të luante futboll në shtëpinë e tij. Unë me të vërtetë nuk i kuptoj njerëz të tillë. Ose duan të jenë në kopertinën e një gazete, ose duan punë të reja ,ose çfarëdo. Rooney dhe Neville nuk janë miqtë e mi, ata janë kolegë. Kemi luajtur bashkë, nuk kemi ngrënë kurrë darkë bashkë”.

REAGIMI I DY ISH-SHOKËVE TË CR7

Rooney ka thënë se nuk dëshiron të bëjë një deklaratë publike për këtë, duke i dhënë një rrugëdalje raportit. Anglezi, shpjegon Sky Sports, ishte i hutuar dhe i habitur nga fjalët e portugezit, por megjithatë vendosi të mos komentojë.

Nga ana tjetër, Neville u tall me ish-shokun e skuadrës. Lidhur me frazën e Ronaldos: “Kemi luajtur bashkë, nuk kemi ngrënë kurrë darkë bashkë”, 47-vjeçari shkroi në Twitter: “Ndonjë për darkë?”. Ish-United më pas ndau një fragment nga intervista për Sun. Zgjodhi atë ku Ronaldo e akuzoi se “përdor emrin e tij për famë”. E komentoi duke postuar një foto qesharake ku shihet i hutuar.


Lini një Përgjigje

Adresa juaj email s’do të bëhet publike.