• |
ide | kryesore

Shqetësime nga Kosova pas dorëheqjes së Kryeprokurorit të Hagës

-Instant, Arkiva, Lajme, Të fundit

Avokati i akredituar në Dhomat e Specializuara, Artan Qerkini, ka folur për dorëheqjen e papritur të kryeprokurorit Jack Smith, duke thënë se dorëheqja e tij do të shkaktojë vonesa të tjera në gjykimin e ish-krerëve të UÇK-së.


“Besoj se dorëheqja e tij do të shkaktojë vonesa të tjera në fillimin e këtij procesi edhe ashtu të stërzgjatur”, tha Qerkini.


Avokati tha është e pazakontë që Smith është kryeprokurori i dytë që po jep dorëheqje nga kjo detyrë në një periudhë të shkurtër.

Më tej, Qerkini tha se është e nevojshme që pasuesi i Smith t’i përmbahet standardeve profesionale.

“Deri më tani ekipi mbrojtës me të drejtë e ka fajësuar prokurorinë për zvarritjen e procesit, sepse prokuroria kishte deklaruar se ishte e gatshme për gjykim që nga qershori i vitit 2021, ndërsa ajo ende nuk i ka dorëzuar të gjitha provat tek mbrojtja, kështu që për mbrojtjen, e rëndësishme është që të vie një kryeprokuror që do t’i përmbahej standardeve profesionale dhe standardet për një gjykim të shpejtë dhe efikas, ngase në rastet kur të pandehurit janë në paraburgim, procedura duhet të zhvillohte në mënyrë të posaçme shpejtë, ndërsa deri më tani kemi parë zvarritje të pa nevojshme, të cilat kanë qenë pasojë e mospunës së prokurorisë”, ka deklaruar ai në Klan Kosova.

“Nuk dua të spekulojë mbi arsyet e dorëheqjes së zotit Smith, mirëpo një gjë është e sigurt, se rasti i prokurorisë nuk është i fortë”, u shpreh ai.


1 Comment

  1. Largimi me doreheqje te kryeprokurorit,ne Hage,eshte njelloj si me mosparaqjeet e avokaeve,ne gjykaten e apelit e Tirane,per rregjistrimin e Partise demokatike!Jane koincidenca te cuditeshme,qe bejne “vaki”,vetem ne vende te “cuditeshme” dhe ne gjykata te “cuditeshme ,si ne Tirane,ashtu edhe ne Hage.

Lini një Përgjigje

Adresa juaj email s’do të bëhet publike.