• |
ide | kryesore

SHBA: Vaksina e Pfizer mund të jetë e lidhur me isheminë

Lajme, Planet



Autoritetet shëndetësore amerikane kanë vënë në dukje se vaksina e përditësuar për COVID-19 e Pfizer dhe partnerit gjerman BioNTech, mund të lidhet me një lloj goditjeje në tru tek të moshuarit.
Qendrat e SHBA për Kontrollin dhe Parandalimin e Sëmundjeve (CDC) dhe Administrata e Ushqimit dhe Barnave (FDA) thanë të premten se kanë zbuluar një problem të mundshëm që lidhet me sigurinë, ku njerëzit 65 vjeç e lart kishin më shumë gjasa të kishin një goditje ishemike 21 ditë pas marrjes së vaksinës bivalente Pfizer/BioNTech, krahasuar me ditët 22-44. Ishemia e trurit shkaktohet nga bllokimet në arteriet që çojnë gjakun në tru.

FDA dhe CDC thanë se studime të tjera të mëdha, bazat e të dhënave të vendeve të tjera dhe bazat e të dhënave të Pfizer-BioNTech, nuk e kanë hasur këtë problem, duke shtuar se kërkohet më shumë hetim.
“Edhe pse tërësia e të dhënave aktualisht sugjeron se ka shumë pak gjasa që të ketë një rrezik të vërtetë klinik, ne besojmë se është e rëndësishme të ndajmë këtë informacion me publikun”, thanë autoritetet shëndetësore amerikane.

Pfizer dhe BioNTech thanë në një deklaratë se ata janë vënë në dijeni të raporteve të kufizuara të goditjeve ishemike te njerëzit 65 vjeç e lart pas vaksinimit me vaksinën e tyre të përditësuar.

“As Pfizer dhe BioNTech, as CDC apo FDA nuk kanë vëzhguar gjetje të ngjashme në sisteme të tjera monitorimi në SHBA dhe globalisht nuk ka asnjë provë për të konkluduar se goditja ishemike është e lidhur me përdorimin e vaksinave të kompanive për COVID-19”, shtojnë kompanitë.



2 Comments

  1. Hë filluat t’i publikoni më në fund problemet me vaksinat?!! Shum pak! Ka më shumë!

    Vazhdoni t’i postoni se ka prap ndyrësi të tjera, ndër të cilat më e madhja është futja në vaksina e oksidit të grafenit për të formuar qarqe elektronike për transmetimin e të dhënave nga dhe për në trup, duke bërë një kontrollim total të njeriut. Nje skllavërim i plotë!!

    Dhe ata që e përkrahën vaksinimin e detyruar në popullsine e paditur meritojnë burgun e më tepër. Injoranca e tyre nuk është justifikim.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *