• |
ide | kryesore

Elbasani zbrazet nga të arsimuarit, mbeten në tregun e punës ata me kualifikim të ulët

-Instant, Arkiva, Lajme, Të fundit
Elbasani



Rënia e popullsisë dhe niveli i lartë i emigrimit dhe migrimit të brendshëm po i ndikojnë negativisht bashkitë e mëdha të vendit drejt falimentit.

Elbasani është një ndër katër qytetet më të mëdha në vend për nga numri i popullsisë me një strukturë ekonomie ku përveç bujqësisë është e zhvilluar edhe industria. Mungesa e fuqisë punëtore dhe kualifikimi i ulët e tyre do të mbajë peng zhvillimin ekonomisë të qarkut.

Një analizë e Agjencisë Kombëtarë të Punësimit për 2017 -2021 vuri re se, papunësia në qarkun e Elbasanit është zbutur, por ndikim te madh pati tkurrja e popullsisë dhe emigrimi i të rinjve.

Përveç trendëve natyrore demografike, migrimi i fuqisë punëtore aktive është identifikuar si një problem i madh dhe i qartë, gjë e cila krijon probleme të shumta për çdo politikë të tregut të punës, vërën studimi i AKP.

Reduktimi i fluksit të kapitalit njerëzor ka çuar në mungesë të fuqisë punëtore, por nga ana tjetër po bëhet shkak për mos-gjenerimin e bizneseve të reja në këtë qytet. Të dhënat në lidhje me punëkërkuesit e regjistruar sugjerojnë se fuqia punëtore aktuale e papunë është e pakualifikuar, e moshuar dhe e papunë për një periudhë afatgjatë.

Kjo situatë është e pritshme kur merret parasysh tipologjia e kualifikimit të ulët të punëkërkuesve, ku mungesa e aftësive bazë, kualifikimeve dhe përvojës në punë shihen shpesh si barrierat kryesore me të cilat përballen personat që vuajnë nga papunësia afatgjatë. Midis këtyre grupeve mund të ketë mungesë të aftësive teknike, ose vjetrim të këtyre aftësive dhe njohurive nëse ato nuk përditësohen me nevojat e kohës.

Shumë prej punëtorëve të moshuar po hyjnë në tregun e punës, por ato nuk kanë aftësitë që duhen.

I ndodhur në një pozicion të favorshëm gjeografik, i pasur me burime natyrore, së bashku me trashëgiminë e tij historike dhe social-kulturore, Elbasani është një nga rajonet më të rëndësishme në Shqipëri. Elbasani ka një popullsi prej 266,245 banorësh,3 duke u renditur kështu si rajoni i katërt më i madh në vend me 9.4% të popullsisë shqiptare.

Ashtu si çdo rajon në Shqipëri, popullsia ka ardhur në rënie gjatë 20 viteve të fundit, në këtë rast me një rënie prej rreth 26%, kryesisht për shkak të migrimit të jashtëm dhe të brendshëm dhe dinamikave të tjera demografike.

E zbërthyer sipas nivelit arsimor, popullsia në moshë pune që ka të paktën një diplomë universitare është fuqia punëtore më aktive, duke paraqitur edhe luhatje të mëdha ndër vite. Si personat me shkollë 9-vjeçare ashtu edhe ata me shkollë të mesme, shfaqin përqindje më të ulëta të pjesëmarrjes dhe trend në rënie.

Analizimi i nivelit arsimor të punëkërkuesve të papunë të regjistruar është një tregues i mirë për nivelin e aftësive të të papunëve. Rezultatet tregojnë se gjatë 5 viteve të fundit shumica e punëkërkuesve të papunë kanë përfunduar shkollën 9-vjeçare, gjë që flet për kualifikimin e tyre të ulët.

Konkretisht në vitin 2020, 64% e punëkërkuesve të papunë kanë mbaruar shkollën 9-vjeçare, ndërsa 20% kanë përfunduar shkollën e mesme dhe 10% shkollën profesionale. Nga ana tjetër, vetëm 6% e punëkërkuesve të papunë të regjistruar kanë përfunduar universitetin ose një nivel lartë studimi.

Duke marrë parasysh pjesën që ka përfunduar shkollën profesionale dhe një universitet ose nivel më të lartë studimi si fuqi punëtore e kualifikuar, rezultatet sugjerojnë se pjesa dërrmuese e punëkërkuesve të papunë janë me aftësi të ulëta. /monitor 



2 Comments

  1. Statistike me konkluzione te stisura.
    Normale qe te papunet do jene shumics te pa shkolle e te pa kualifikuar. Prisnit qe shumica e atyre qe kerkojne pune te ishte me shkolle te larte nderkohe qe te pashkollet te ishin te punesuar.? Ne cilen galaktike ndodh kjo.?
    Sidoqofte, nga shifrat tuaja, 6% e atyre qe kerkojne pune jand me universitet. As per keta nuk gjendet pune?
    Mbase Elbasani ka zhvillim teknologjik me te larte Seatle dhe kerkon vetem punonjes shkencore me tituj doktore shkencash e profesore.
    Nderkohe krieministri ine qe i jep mend gjithe botes vetem arsimin 8-vjecar ka te plote. Me pas ka bere kurse pikture, si ne shkollen e mesme ku matematika ishte perseritje e 8-vjecares dhe shkencat e tjera vetem sa permendeshin ashtu edhe gjoja shkolla etij “e larte” e cila quhej Institut Artesh e jo Universitet.

  2. Po cdo bejne te shkolluarit ne Elbasan? Bandave te Taulant Palles nuk u hyjne ne pune. Rilindjes jo e jo. Normal qe do ikin

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *