Në konferencën për shtyp para çerekfinales së Champions kundër Milan, Luciano Spalletti sqaroi debatin në distancë me Pep Guardiola: “Shpresoj të kem mundësi t’i bëj këto fjalime me të për një kafe të këndshme turke”. Në prag të ndeshjes Milan-Napoli në Champions League, Spalletti komentoi rrugëtimin e Napolit në Europë: “Ne nuk jemi skuadra që duhet të fitojmë Champions League. As nuk kemi ankth për t’i provuar diçka dikujt. Tashmë kemi bërë historinë e Napolit. Duhet të argëtohemi dhe të kemi atë krenari e forcë që kemi merituar në fushë”.
Tekniku toskan e mbylli mosmarrëveshjen verbale me trajnerin e Manchester City, duke u ngritur në këmbë para të gjithëve: “Pastaj me të shpresoj të kem mundësinë t’i bëj këto diskutime para një kafeje të këndshme turke”. Një referencë e qartë për finalen e Ligës së Kampionëve do të zhvillohet në Stamboll. Një mesazh që natyrisht në Milano nuk është se i ka pëlqyer. Luciano pastaj i jep fund edhe përplasjes me Paolo Maldini, në tunelin e stadiumit Maradona: “Nuk mendoj se kam asgjë për t’i thënë Paolos për shkak të vlerësimit që kam për të. Janë gjërat e dhomave të zhveshjes që qendrojë para se të dalin në fushë. Janë gjëra shumë normale”.
💬 Spalletti: “Tomorrow, we’re playing a match which could have a huge impact on all of us. I’m sure that we’ll be ready”#UCL #MilanNapoli pic.twitter.com/nDohPd2DxH
— Official SSC Napoli (@en_sscnapoli) April 11, 2023
HISTORIA RUSE ME MALDININ
Në fundi, Spalletti zbuloi edhe historinë e bashkëpunimit të munguar në Rusi me drejtuesin kuqezi: “Kur isha te Zenit më kërkuan të zgjidhja një drejtues që të më mbështeste. Kërkova një profil ndërkombëtar për t’i dhënë forcë klubit dhe kur i thashë për Maldinin ishin të kënaqur. Më thanë ta kontaktoja, ishin të gatshëm të bënin gjithçka për të. Por ai ishte i zënë me gjëra të tjera dhe nuk pranoi. Kjo është për të theksuar vlerësimin që kam për njeriun dhe për futbollistin”.