Ndërkohë që marrëdhënia e Pete Davidson me Kim Kardashian duket si një temë e përsosur për shfaqjen komedi “SNL”, ai ka vendosur të mos e përmend Kim kur të drejtojë shfaqjen për herë të parë.
Një burim i tha Page Six se ndërsa Davidson pritet të tallet me jetën e tij sentimentale, ai dëshiron të largohet nga Kardashian. “Ai është një zotëri,” thaburimi. Thuhet se dyshja të cilët u lidhën për herë të parë në mënyrë romantike në tetor 2021 – u ndanë në gusht 2022 pas nëntë muajsh lidhjeje, ata ranë dakord të “hiqnin dorë nga gjithçka” dhe të “vazhdonin përpara”. “Kjo është arsyeja pse ajo nuk përmendet në stand-upin e tij”, shtoi burimi.
Ndërkohë, romanca e tyre u bë padyshim më e përfolura pasi ish-bashkëshorti i saj, Kanye West sulmoi vazhdimisht komedianin në rrjetet sociale, duke arritur deri aty sa publikoi një video për këngën e tij “Eazy” ku e kishte rrëmbyer dhe varrosur një version vizatimor të Pete. Aktori, i cili ka qenë i hapur për problemet e tij me shëndetin mendor, thuhet se kërkoi “terapi ” pas sulmeve të West me një burim të brendshëm që i tha People, “Vëmendja dhe negativiteti që vijnë nga Kanye dhe veprimet e tij janë një shkas për Pete të kërkojë ndihmë. /Lapsi.al