Përfundon në mënyrën më të keqe Superclasico argjentinas mes River Plate dhe Boca Juniors. Një ndeshje shumë e tensionuar edhe në lojë (9 kartonë të verdhë) u vendos nga një penallti e dhënë nga arbitri Herrera. Sugjerimi i VAR i dha mundësinë kolumbianit Miguel Borja të shënonte nga pika e bardhë në minutën e 93′. Menjëherë pas avantazhit 1-0 për Millonarios shpërtheu kaosi.
Gjithçka nisi nga një grindje mes Romero dhe Palavecino, që lindi nga festimi provokues i këtij të fundit. Mjaftoi kjo përplasje, që shumë shpejt të përfshiheshin të gjithë lojtarët në një sherr masiv.
Satdiumi Monumental u kthye në një ring. Arbitri i ndeshjes u detyrua të ndërpresë ndeshjen për 18 minuta dhe të lërë hapësirë për ndërhyrjen e policisë. Vetëm pas ndërhyrjes së forcave të rendit u arrit më në fund të qetësohej situata. Përpara se të rifillonte ndeshja, Herrera tregoi 7 kartonë të kuq, mes të cilëve një për trajnerin e Boca, Almiron. Nisi sërish të luhej në 8 kundër 8, minuta e vetme e mbetur për ti dhënë fund armiqësive (në të gjitha kuptimet). Sipas të gjitha gjasave, në ditët në vijim do të vërshojnë më shumë skualifikime për lojtarët e të dy skuadrave.
River Plate score on Boca Juniors and a melee ensues! 😳 pic.twitter.com/lHJsQnkPJq
— CBS Sports Golazo ⚽️ (@CBSSportsGolazo) May 7, 2023