Milan ka detyrimin për t’u kualifikuar në Champions League. Pas dështimit për të mbrojtur trengjyrëshin në gjoks, kuqezinjtë përballen me detyrën për të përforcuar një skuadër që ka treguar limitet e saj. Nëse investimi i De Ketelaere ia vlen të pritet, Maldini dhe Massara janë në punë mes tepricave dhe kursimeve për të përmirësuar mesfushën dhe sulmin. Pikërisht këto dy reparte e kanë vënë teknikun Pioli në vështirësi këtë sezon. Megjithatë, 50 milionë euro që vijnë nga kualifikimi në Champions League janë pikënisja e çdo arsyetimi.
Këtyre i duhet shtuar në buxhetin e merkatos ajo shumë që drejtuesit e Milan do të tentojnë ta marrin nga lojtarë që tashmë konsiderohen të tepërt. Këtu futen edhe Rebic e Origi, nëse ky i fundit ka oferta interesante, për një total prej rreth 100 milionë eurosh.
TEPRICAT
Një nga kufizimet në sezonin e tekniut Pioli në Milano ishte mungesa e kontributit e ardhjeve të reja të verës. Duke përjashtuar Thiaë, që në 2023-shin tregoi cilësitë për të aspiruar të bëhej titullar në mbrojtjen kuqezi, të tjerët kanë zhgënjyer. De Ketelaere ishte dështimi i sezonit, por investimi i bërë në verën e 2022 meriton një shans tjetër. Situata për Dest, Vranckx dhe Adli është ndryshe, pasi ata fushën e panë pak, dhe keq. Këtyre duhen shtuar Rebic dhe Origi të cilët, mes dëmtimeve dhe paraqitjeve zhgënjyese, e detyruan Giroud të bënte orë shtesë.
EMRAT PËR MESFUSHËN
100 milionë euro për merkaton Milan duhet ta përqendrojë për të riformatuar mesfushën e sulmin. Emrat nuk mungojnë, si dhe zërat hipotetikë. Loftus-Cheek i Chelsea është profili më i nxehtë për mesfushën. Një lojtar i aftë për të kombinuar sasinë dhe cilësinë si Kessie. Dëmtimi i Bennacer, pastaj, hapi një lloj tjetër arsyetimi në një repart që ka nevojë për më shumë përvojë. E natyrisht më pak baste nga pikëpamja teknike dhe taktike.
EMRAT PËR SULMIN
“Na duhet një lojtar i fortë”. Kështu Stefano Pioli ka komentuar mundësinë për të pasur një profil të ri për sulmuesin që mund të zërë vendin apo të alternohet me Giroud sezonin e ardhshëm. Profili i Arnautovic të Bolonjës do të zinte vendin e Ibrahimovic dhe Rebic në skuadër. Por ka emra të tjerë që ndezin tifozët dhe ndoshta edhe stafin teknik. Pëlqehet i riu Wahi i Montpellier dhe amerikani Balogun, por e vërteta është se ka vetëm një goditje në repart dhe nuk mund të shpenzohet si për Origi. Vlerësimi do të jetë i kujdesshëm dhe nuk përjashton ardhjen e Scamacca nga West Ham. Në listë është edhe Morata i Atletico Madrid.