Komisioni i Disiplinës e Etikës pranë FSHF ka rënë si hanxhar mbi Tiranën, pas ngjarjeve të një dite më parë në Rrogozhinë, në Tirana-Bylis. Për dhunën e ushtruar ndaj lojtarët bardheblu ndaj arbitrave të ndeshjes, të kryesuar nga Kridens Meta, e kanë pësuar 6 lojtarë të skualifikuar. Albano Aleksi, Aldi Gjumsi, Bruno Lulaj, Florent Hasani, Visar Bekaj e Besir Iseni janë dënuar, më rëndë dy të fundit: portieri për 1 vit dhe mbrojtësi 2. Nuk ka mbaruar sepse ndërsa Tirana duhet të fillojë të luajë ndeshjet pa tifozë, për një periudhë 90 ditore, ka nisur një hetim për incidentet që e komplikon shumë situatën e klubit më të titulluar të vendit.
Bylis barazoi 2-2 përballë bardhebluve, që luanin në Rrogozhinë si vendas dhe më pas shpërtheu tërbimi i tifozëve mbi Kridens Metën, sipas tyre fajtor për një 11 metërsh të paqenë. Të gjithë u vërsulën kundër arbitrit e tifozët pushtuan fushën. Penalltia shkaktoi barazimin, barazimi arritjen nga Partizani e praktikisht humbjen e titullit. Vetëm se tani klubi bardheblu rrezikon të humbasë shumë më tepër se aq. Duke parë precedentët e Kamzës e Tërbunit, që është akoma më i freskët, Tirana rrezikon një dënim të rëndë.
Sipas Kodit të Disiplinës Sportive, neni 64, i cili përfshin ngjarjen që ndodhi në Rrogozhinë, bardheblutë rrezikojnë nga gjobë te pezullimi i fushës, humbje në tavolinë e deri te rënia nga kategoria. Pika 2 e këtij neni frikëson më shumë Tiranën: “Në rastet e shkeljeve të rënda mund të ndërmerren dënime të tjera, si zhvillim i ndeshjes pa spektatorë, zhvillimi i ndeshjes në fushë asnjanëse, ndalimi i zhvillimit të ndeshjes në stadiumin përkatës, anulimi i rezultatit të ndeshjes, përjashtimi nga një garë ose kampionat, dhe/ose humbje e ndeshjes në tavolinë”. Mbi bardheblutë rëndon edhe dështimi në përmbushjen e përgjegjësive dhe pika 3/b flet se “në rastin e hyrjes brenda pjesës së rrethuar të fushës së lojës të ndonjë personi, duke shkaktuar akte të dhunës ndaj lojtarëve në fushë, dhe/ose zyrtarëve të ndeshjes, dhe/ose ndërprerje të lojës, ekipi përgjegjës për sigurinë në stadium do të penalizohet me zhvillimin e të paktën 4 ndeshjeve pa spektatorë”.
Vendimet e Komisionit të Disiplinës dhe Etikës së FSHF datë 26.05.2023
Çeljen e hetimit disiplinor për aktet e ndodhura në ndeshjen e javës së 35-të të “Abissnet Superiore” midis KF Tirana dhe KF Bylis.
Marrjen e masës së përkohshme të zhvillimit të ndeshjeve të KF Tirana pa spektator për një afat 90 (nëntëdhjetë) ditor në përputhje me Nenin 91 të KDS deri në marrjen e një sanksioni përfundimtar.
Lojtari i KF Tirana, Visar Bekaj, e pësoi për nxitje të urrejtjes dhe akteve të dhunës. Në bazë të nenit 51/1 të KDS, dënohet me 12 (dymbëdhjetë) muaj pezullim nga të gjitha aktivitetet dhe gjobë në masën 100.000 (njëqind mijë) lekë.
Lojtari i KF Tirana, Albano Aleksi, e pësoi për sjellje josportive ndaj zyrtarëve të ndeshjes. Në bazë të nenit 48/1/a të KDS, dënohet me 6 (gjashte) ndeshje pezullim nga të gjitha aktivitetet.
Lojtari i KF Tirana, Aldi Gjumsi, e pësoi për sjellje josportive ndaj zyrtarëve të ndeshjes. Në bazë të nenit 48/1/a të KDS, dënohet me 6 (gjashtë) ndeshje pezullim nga të gjitha aktivitetet.
Lojtari i KF Tirana, Bruno Lulaj, e pësoi për sjellje josportive ndaj zyrtarëve të ndeshjes. Në bazë të nenit 48/1/a të KDS, dënohet me 6 (gjashtë) ndeshje pezullim nga të gjitha aktivitetet.
Lojtari i KF Tirana, Besir Iseni, e pësoi për pështyrjen ndaj zyrtarëve të ndeshjes. Në bazë të nenit 48/1/c të KDS, dënohet me 24 (njëzet e katër) muaj pezullim nga të gjitha aktivitetet.
Lojtari i KF Tirana, Florent Hasani, e pësoi për sjellje josportive ndaj zyrtarëve të ndeshjes. Në bazë të nenit 48/1/a të KDS, dënohet 4 (katër) ndeshje pezullim nga të gjitha aktivitetet.
Zyrtari i KF Tirana, Arzen Vocaj, e pësoi për sjellje josportive ndaj zyrtarëve të ndeshjes. Në bazë të nenit 48/2/a të KDS, dënohet me 8 (tetë) ndeshje pezullim nga të gjitha aktivitetet.
Zyrtari i KF Tirana, Kostandinos Jani, e pësoi për sjellje josportive ndaj zyrtarëve të ndeshjes. Në bazë të nenit 48/2/a të KDS, dënohet me 8 (tetë) ndeshje pezullim nga të gjitha aktivitetet.
Zyrtari i KF Tirana, Marvi Kastrati, e pësoi për sjellje josportive ndaj zyrtarëve të ndeshjes. Në bazë të nenit 48/2/a të KDS, dënohet me 8 (tetë) ndeshje pezullim nga të gjitha aktivitetet.
KF Vllaznia, e pësoi për sjellje të gabuar të spektatorëve duke hedhur sende në terrenin sportiv. Në bazë të nenit 65/1 dhe 65/3/c të KDS, dënohet me gjobë në masën 200.000 (dyqind mijë) lekë.
Tani te luajne me njeri tjetrin se kampionat pa tironen bohet si kampionati ndermarjeve qe u bote ke fusha e zeze te 5 maji
Duka eshte bere Erdogani, Rama, Putini i futbollit. Matrapazi dhe i korruptuari qe mban postin e drejtuesit te FSHF perpos ambientit autokrato-korruptiv shqiptar e ka fovarizuar i njeti ambient edhe tek FIFA dhe UEFA. Ai FK Tirona ka qe ne ndeshjen me Teuten qe nepermjet gjygjtareve kamikaze te tij e masakroi para derbi duke i privuar.disa nga lojtaret deciziv, i mohuan penallti ne ndeshje dhe meqenese Tirona rezistoi degjeneroi duke e degdisur te luaj ne Rrogozhine dhe aq me teper.duke vendosur qe ndeshjen ta gjykoje i paskrupulli kamikaz i tij Meta. Federata e diktatures se korrupsionit e Dukes po sillet me Fk Tironen njesoj si federata e diktatures komuniste. Po luan me.zjarrin dhe do i kthehet ne bumerang se tifozerine e mrekullueshe te Tirones nuk e mposhti dot diktatura enveriste dhe jo me kjo diktaturokracia butaforike provinciale e pularive.
Sala e nisi keqe.iliri e nisi keqe.edvini po vazhdone akoma me keqe.
Po keni harru pas ketyre dënimeve, dekoratën për Kridensin, dhe kupën për Partizonin!
Dikur para viteve ’90, kur federata mbështeste dukshëm Dinamon qarkullonte shprehja: Federata kroson-Dinamo shënon!
Tashi thuhet Federata kroson-Partizoni fiton!
Nuk mbështes dhunën, POOOR tallja me djersën e lojtarëve dhe me sakrificat e tifozëve çoi në të tillë situatë!
Mos harroni: Tifozat e Tironës jan tifozeria me numrin me te madh te spektatoreve per ndeshje! E futbolli për spektatorët luhet!!!