Policia Kufitare ka bllokuar 8 mjete lundruese, nga të cilat 4 skafe dhe 4 mjete lundruese argëtimi “Jet ski” gjatë 24 orëve të fundit nga Shëngjini në Ksamil.
Drejtuesit e 8 mjeteve lundruese janë ndëshkuar me masë administrative 10 000 lekë të rinj secili.
Në njoftimin e policisë thuhet se 4 skafet e bllokuara në Ksamil nuk kishin dokumentacionin e nevojshëm ndërkohë që në Shëngjin drejtuesit e 2 “Jet ski-ve”, kryen manovra të rrezikshme në det, në afërsi të pushuesve.