• |
ide | kryesore

KAS pranon vendimin për hapjen e kutive të Bashkisë së Rrogozhinës

-Instant, Arkiva, Lajme, Të fundit



Komsioni i Ankimimeve dhe Sanksioneve ka pranuar kërkesën e koalicionit ‘Bashkë Fitojmë’ për hapjen e kutive të Bashkisë së Rrogozhinës. Koalicioni ‘BF’ ankimoi rezultatin në këtë bashki dhe ka kërkuar rinumërimin e votave por ka kërkuar që kutia e burgut të mos përfshihej, pasi sipas tyre ishte ajo që ka sjellë manipulimin e rezultatit në këtë bashki. Përfaqësuesi i koalicionit, Ivi Kaso tha se në këtë bashki është i nevojshëm rinumërimi i votave.

“Në këtë zonë zgjedhore është i nevojshëm rinumërimi dhe rivlerësimi i të gjitha votave. Vetëm kështu kemi garancinë që rezultati që do të dalë nga ky proces do të pasqyrojë të vërtetën e këtij procesi zgjedhor”, tha Kaso.

Kjo kërkesë e koalicionit ‘BF’ për rivlerësim të rezultatit është kundërshtuar nga përfaqësuesi i PS, Eridian Salianji i cili kërkoi dhe rrëzimin e ankimimit dhe shpalljen e rezultatit përfundimtar me fitues Edison Memollën.



3 Comments

  1. Ne kohen e sales kutite nuk behej vaki te hapeshin. Dajak kush e kerkonte. Kur duan dhemokraci dhe shqipot. Mos ngelt afrikan nkembe.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *