Nyja rreth Marcelo Brozovic vazhdon të mos ketë zgjidhje, me Al-Nassr që i bën presion lojtarit në përpjekje për ta bindur të pranojë transferimin. Barcelona, në anën tjetër, me dritat e fikura, shpreson të jetë në gjendje të marrë më shumë kohë për të bërë ofertën e duhur. E pastaj, Inter pret me ankth që situata të zhbllokohet, sepse është e qartë se në mesfushë i sakrifikuari për shitje është kroati. Paratë që do të vinin nga Arabia Saudite apo Spanja do të shërbejnë për të mbyllur me Sassuolo transferimin e Davide Frattesi, para se të ndërhyjnë ekipet e tjera.
BROZOVIC TE AL-NASSR, SITUATA
Krahasuar me orët e fundit, nuk ka hapa të rëndësishëm përpara, por sot mund të jetë një ditë vendimtare. Kjo është ajo që filtron përmes Al-Nassr. Sipas Gazzetta dello Sport, klubi arab ka planifikuar një mision në Kroaci për të bindur Brozovic. Kontrata trevjeçare me vlerë 20 milionë euro në sezon nuk është e mjaftueshme për t’i thënë lamtumirë, vetëm 31 vjeç, dëshirës për të luajtur futboll në nivele të larta. Dje mesfushori bëri shaka – por jo shumë – në rrjetet sociale duke treguar kuotën 50 milionë.
Lexo më tej: Brozovic largohet nga Inter, Inzaghi ndryshon mesfushën: ja çfarë do të thotë për Kristjan Asllanin
Paratë bëjnë diferencën, sigurisht, por më shumë vlen koncepti “nëse duhet të largohem nga Europa, duhet të jetë për një shumë vërtet të parefuzueshme”. E duke pasur parasysh se kartoni do t’i kushtojë relativisht pak Al-Nassr (marrëveshja me Inter për 23 milionë) dhe duke pasur parasysh pagat që marrin lojtarët e tjerë që sapo kanë zbritur në Arabi, edhe Brozovic dëshiron të fitojë para në maksimum.
OPSIONI BARCELONA
Edhe sepse në anën tjetër është Barcelona, e cila nuk është ekspozuar asnjëherë zyrtarisht, por qëndron pas hezitimeve të lojtarit. Xavi do të donte që ai të zëvendësonte Busquets, por llogaritë ekonomike janë ato që komplikojnë situatën. Prandaj në Spanjë po punojnë për të kuptuar si të arrijnë në një ofertë bindëse për Inter dhe kroatin. Padyshim, Barca nuk do të jetë në gjendje të arrijë shifrat e premtuara nga Al-Nassr, mbi të gjitha për Brozovic. Flitet për një kontratë që do të shkojë nga 7 në 9 milionë në sezon me kalimin e viteve. Por edhe për zikaltrit duke qenë se për momentin çmimi nuk kalon 18 milionë eurot.
BROZOVIC PËR FRATTESI
Inter pret lamtumirën e Brozovic për të trokitur në derën e Sassuolos e për të thënë: “Ok, jemi gati për Frattesi”. Marotta po mendon për një huazim me detyrim blerje me një vlerë prej 35 milionë eurosh. Nga kjo mund të zbriten 7-8 milionët e Samuele Mulattieri që do të përfundonte në jeshilzi. Pjesa e mbetur 27-28 do të mbulohej pothuajse tërësisht nga lamtumira e Brozovic.