Policia pezullon mbi 100 leje drejtimi dhe arreston 16 shtetas në 72 orë

Policia e Shtetit ka ndërmarrë masa për rritjen e sigurisë rrugore, teksa gjatë 72 orëve të fundit ka pezulluar 104 leje drejtimi, për shpejtësi tej normave të lejuara, drejtim mjeti nën efektin e alkoolit apo në gjendje të dehur dhe për qarkullim në sens të kundërt.

Po ashtu 16 shtetas janë arrestuar për drejtim të mjetit në gjendje të dehur apo pa leje drejtimi, si dhe 2345 masa administrative janë caktuar për parakalime të gabuara, përdorim të celularit gjatë drejtimit të automjetit, mosvendosje të rripit të sigurimit, mosvendosje të kaskës mbrojtëse etj.